Dafur-imi meeqqat atornerlunneqarlutillu naalliutinneqartarput
Afrika-mi Sudan-imi nunap immiikkoortuata ilaani Darfur-mi meeqqat naalliutsinneqartarlutillu kinguaassiuutimikkut atornerlunneqarlutik inussiaatigineqartarsimapput.
Taamatut nalunaarusiami inunnik ikiuiniaqatigiiffiit kattuffii arfiniliusut oqaluttuarput.
Nalunaarusiap paasissutissiinera malillugu nukappiaqqat sisamanik tallimanillu ukiullit Arabiamiut Kangerliumanersuani nunanut inussiassatut tunineqartarsimapput, qinusartutullu sulisorineqa-linngikkaagamik qatigattuunut sukkaniussutigineqar-tartunut ingerlatitsisunngortinneqartarlutik.
Nivissat inuusuttunnguit illorpassuaqarfimmi puilasuliamut imertarniartillugit angutinit sakkutuutut atisalersorsimasunit unguneqarsinnarlutik pinngitsaalillugit atoqatigineqartarsimapput.
Nalunaarusiakkut Sudan-imi sakkutuut pisuutinneqarput meeqqanik sakkutuulersortarsima-nerarlugit.
Nunap immikkoortuani Darfur-imi aporaannerit ukiuni sisamani ingerlasimapput inuit 200.000-it inuunerannik aporaannerit akeqarsipput, inuillu 2 mio. nunamiit najukkaminniit qimaatitaasimallutik.
