Cypern tunniutiinnarpoq

Tyrkiap EU-mut ilaasortanngornissaanut akerliunini Cypernip taamaatiinnarpaa, akornutissaasinnaasut 35-t angullugit amerlassusillit patsisigigaluarpai, siullerli tassa ullumikkut taamaatippaa.

Nunalli EU-mut ilaasortat nunanut allanut ministerii Luxembourgimi ataatsimeereerlutik ataatsimut oqaaseqaateqarput, tassani paasinarsivoq ”Tyrkiap ilaasortanngornissaanut isumaqatigiissutip eqqortinneqarnissaa qanoq pisariaqartiginersoq EU-mit pingaartinneqartoq”.

Ilaasortanngornissamut EU-p Tyrkiallu isumaqatigiinniarnissaat siulleq pitinnagu, Cypernimut attaveqaatit pisarnertut ilisinneqarnissaannut piumasaqaat EU-p sukateriffigissagaa Cypernip piumasaqaatigisimavaa.

Siulleq ullumikkut naammassissangatinneqarpoq. Ilisimatusaatit ilisimatusarnerlu pillugit EU-p inatsisiliaanut Tyrkia naleqqussarsinnaanersoq tassani pineqarpoq.