Cutty Sark nungulluni ikuallappoq

Umiarsuaq tingerlaataannalik nunarsuaq tamakkerlugu tusaamasaasoq, ukiunik 138-nik pisoqaassusilik, ”Cutty Sark", nunguvilluni ikuallappoq.

Tuluit Nunaanni nalunaaqutaq malillugu nalunaaqutaq ullaaq arferngup-qeqqanut ikuallanneq aallartippoq, gassiusiviillu arlallit qaarnissaat qatserisartut ernummatigilersmagaluarpaat, taamaattoqaraluarpat suli annertunerusumik aseruatitertoqassagaluarmat.

Umiarsuaq tingerlaataannalik taanna, ”Cutty Sark”, qanga tassaasimavoq umiarsuit taamaattut sukkanersaat, Londonimilu takornarnianit alutorsaatigineqartarsimaqaaq.

Umiarsuup tissiartaatip sananeqarnera Glasgowimi 1869-imi novembarip ulluisa 23-anni aammassivoq, Greenwichimilu 1954-imili tinutiteqqalersimalluni.

Tissiartaat takornarnianut siornali matuneqarallarpoq 25 millioni pundit nalingannut, tassa 270 millioni koruunit missaata nalingannut, iluarsartuunneqarnissaa siunertarineqarluni. ”Cutty Sark” ukioq 2009-mi kingumut ammaqqinneqartussaagaluarpoq.