CSR pillugu nunatsinneersut Islandimi saqqummiipput
Anita Hoffer aamma Anne Mette Christiansen CSR Greenlandip allattoqarfianiit Islandimeeqqammerput CSR Greenlandip oktober 2010-mi aallartinnerminiit misilittagai oqaluttuariartorlugit. Taamanikkut suliffeqarfiit tallimat aallartinnermi peqataapput. Ullumikkut CSR Greenlandimi peqataasut suliffeqarfiit 31-nngorsimapput.
- Islandimi suliffeqarfiit suliniaqatigiiffik FESTA aallartippaat CSR Greenland isumassarsiorfigereerlugu taakkulu CSR Icelandimik imminnut taagorput. Tamanna aaqqissuussaasumik ingerlalersussanng0rmat uagutsinnut saaffiginnipput qanoq ingerlasimanerput paasisaqarfiginiarlugu. Islandimi nuannisaqaagut aammalu qilanaaraarput Islandimiut suleqatigilernissaat, Anita Hoffer CSR Greenlandimip allaffeqarfianiit oqarpoq.
Nunatsinni CSR Greenland suliffeqarfinnit tapersersorluarneqarpoq suliffeqarfiillu nassuerutigaat CSR aqqutigalugu sulisussarsiniarnermi, isumaginninnermut tunngasuni ilinniartitaanikkullu ajornartorsiutit qaangerniarneqarsinnaasut. Maanna suleqatigiinnikkut Islandimiut nunatsinniittullu nukittorsarneqarsinnaalerput.
- Arrissutinngikkaluarlugu pisortat, suliniaqatigiiffiit naalakkersuisutigoortuunngitsut aamma namminersorlutik inuussutissarsiortut akornanni suleqatigiinnernik pilersitsisaleriartorpugut. Kingullertut peqqinnissaq pillugu naalakkersuisoqarfik suliffeqarfiillu sulisut peqqinnerulernissaat siunnerfigalugu suleqatigiilerput. CSR Iceland suleqatigalugu suliniutit taama ittut aallartisarneqarsinnaapput. Suliniutit ingerlareersut nassaariniaqqinnissaat pisariaqanngilaq ilisimasallu maanna ingerlatavut nunani taakkunani marlunni inuttunngikkaluani iluaqutigineqarsinnaapput, Anita Hoffer Islandimi angalanerminnit pissarsiat CSR Greenlandimut saqqummiunissaannut qilanaartoq oqarpoq.
CSR Greenland annerusumik uani atuarsinnaavat: http://www.csr.gl/Default.aspx