USA-mi coronavirisumik tunillanneqarsimasut katillugit 3,6 millionit sinnerpaat, inuillu 139.000-init amerlanerusut nappaat coronavirus toqqutigisimall. Johns Hopkins Universityp kisitsisisaataasa tamanna takutippaa.Assi: RitzauScanpix

Covid-19-imik USA-mi tunillanneqarsimasut aatsaat taama amerlatigisut

USA-mi coronavirusimik akunnerit 24-t kingulliit ingerlaneranni tunillanneqarsimasut aatsaat taama amerlatigipput, ullut pingajussaat rekordiliisoqarluni.

Inuit 77.638-t coronavirusimik USA-mi akunnerit 24-t kingulliit ingerlaneranni tunillanneqarsiasut paasineqarpoq, ullup siulianut naleqqiullugu 9000-init amerlanerullutik.

Ilisimatusarfiup Johns Hopkins Universityp nalunaarsugaanni tamanna takuneqarsinnaavoq.

Ullut kingulliit pingasut ingerlaneranni rekordiliinerit sioqqullugit USA-mi tunillatsissimasut akunnerit 24-t ingerlaneranni agguaqatigiissillugit 55.000-t 65.000-llu akornanniittarsimapput.

USA-mi naalagaaffiit maajimili amaqqikkiartuaarneqarmatali coronavirisumik tunillatsissimasut amerliartuinnavissimapput.

Naalagaaffiit Arizona Texasilu eqqorneqarnerpaapput, inuimmi coronavirusimik taakkunani toqquteqartut amerlangaarmata toqusut inaat ulikkaarput, toqusimasullu nillataartitsivinnut attartorneqarsimasunut inissinneqartariaqarsimallutik.

USA-mi coronavirisumik tunillanneqarsimasut katillugit 3,6 millionit sinnerpaat, inuillu 139.000-init amerlanerusut nappaat coronavirus toqqutigisimall. Johns Hopkins Universityp kisitsisisaataasa tamanna takutippaa.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat