Kokaini 5,8 tonsitut oqimaassuseqartoq containerip iluani naasut Hollandimut nassiunneqartussat akornanni nassaarineqarput.Assi: Juan Carlos Ulate/Reuters/Ritzau Scanpix

Costa Rica: Politiit kokainimik milliardit koruuningajannik nalilinnik nassaartut

Costa Ricami Amerika Qiterlermiittumi politiit ikiaroornartumik aatsaat taama angitigisumik nassaarput.

Costa Ricami politiit ikiaroornartumik kokainimik milliardingajannik nalilimmik nassaaminnik arsaarinnissuteqarput.

Nunap oqaluttuarisaanerani ikiaroornartumik aatsaat taama angitigisumik nassaartoqartoq, dr.dk allappoq.

Kokaini 5,8 tonsitut oqimaassuseqartoq containerip iluani naasut Hollandimut nassiunneqartussat akornanni nassaarineqarput.

- Kokainip aningaasanngorlugu nalinga 126 millioner eurotut naleqarpoq, tassa 940 millionit koruuninik naleqarluni. Costa Ricami naalagaaffimmi pissutsinut isumannaallisaanermullu ministeri Michael Soto Rojas nutaarsiassaqartitsivimmut AFP-mut oqarpoq.

Danmarkimi inuit 27-t tigusarineqartut

Costa Ricamiu 46-nik ukiulik suliamut atatillugu tigusarineqarpoq.

Danmarkimi politiit ikiaroornartumik angisuumik sapaatip akunnerata naanerani uani nassaarput. Danskit politiivisa ikiaroornartoq kokaini 10 kilomik oqimaassuseqartoq arfininngornermi arsaarinnissutigigamikku inuit 27-t tigusarigaat, dr.dk allappoq. 

Tigusarineqartut kokainimik 100 kilomik anngiortumik eqqussisimasutut unnerluutigineqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat