ICC-p nunani tamalaani siulittaasuata, Dalee Sambo Doroughip Issittumi avinngarusimasuni najugallit coronavirusimik eqqugaagaluarpata kinguneqapilussinnaanera aarleqqutigaa.Assi: ICC Canada/Tusaayaksat

Coronavirusip tuniluunnera Issittumi inuiaqatigiinnut ikittunut siooranaqisoq

Coronavirusip naggueqatigiit Inunnut peqqissutsikkut aarlerinaataasinnaanera, Inuit Issittormiut Siunnersuisoqatigiivisa siulittaasuata Dalee Sambo Doroughip mianersoqqussutigaa.

- Coronavirusi siaruaakkaluttuinnarmat ICC-p arlerigivaa Inuit nunaanni avinngarusimasuni najugaqartut nappaateqalernissaminnut qaninnerusinnaasut, soorlu tunillannartumik nappaateqalersinnaasut, tamanna inoqarfiit assigiinngitsut aaqqissugaanerannut tunngavoq, ICC-p nunani tamalaani siulittaasua Dalee Sambo Dorough oqarpoq.

Inoqarfiit arlaqartut aaqqissugaanermikkut suli amigaateqarnerat tamatumunnga pissutaasoq, Dalee Dambo Doroughip oqaatigaa.

Inuiaqatigiit aaqqissugaanermikkut amigaateqarnerat pissutaalluni nualluutip coronavirusip tuniluutilertornissaa, naggueqatigiit siuttuisa ernummatigaat, inoqarfiilu aaqqissugaanikkut pitsanngorsaavigineqartariaqartut oqaatigalugu.

AAMMA ATUARUK KNTK AWG-ip taamaatinneqarneranut: Uggornaraluarpoq paasinarporli

ICC Kalaallit Nunaata tamanna pillugu maanna aalajangerpaa sulisuisa nunanut allanut angalasarnerat unitsikkallarniarlugu:

- ICC Kalaallit Nunaanni ullaq manna sulisut ataatsimiikkatta ICC Kalaallit Nunaat sinnerlugu nunatta avataanut angalanissat tamarmik unissasut aalajangerpugut. Tassani Danmark aamma Island ilaapput, ICC Kalaallit Nunaanni præsidenti Hjalmar Dahl oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat