Coronap tuniluunnera peqqutigalugu folkeketingimi aalajangigassat arlaqartut kinguartinneqarput.Assi: Julius Jeremiassen

Coronavirusip Folketingi matugallaraa: Nemkonto nunatsinni utaqqigallassavarput

Danmarkimi coronap tuniluunnera pissutigalugu ukiaanerani sulinngiffeqarnissap tungaanut folketing matugallarneqarpoq, taamaalilluni aalajangigassat arlallit kinguartinneqartariaqarlutik. Matusigallarneq nunatsinni inatsisissamut aamma eqquivoq.

KNR siullermik allappoq, NemID pillugu siunnersuut kinguartinneqartoq. Kisianni siunnersuut Nemkontomut tunngasuuvoq. 

Juullip nalaani Danmarkip annersaa matoqqatinneqarnerata nalaani, folketingimi oqallinnerit taasinerillu ingerlanneqaannarput. Maannali tamanna unippoq.

Coronap tuniluunnera peqqutigalugu Folketingi februaarimi ukiaanerani sulinngiffeqarnissap tungaanut matugallarneqarnissaa, folketingimi siulittaasup, Henrik Dam Kristensenip (S), pingasunngornermi nalunaarutigaa.

AAMMA ATUARUK Folketingi coronavirusimik tunillatsittoqareersorlu matusoq

Inatsisissatut siunnersuutissani 28-usunit aqqaneq marluk kinguartinneqarput.

Inatsisissatut siunnersuummi ilaatigut nunatsinni Nemkontop atuutilernissaanut siunnersuut sapaatit akunnerata tulliani taasissutigineqartussaagaluarpoq. Tamaaliornissarli ukiaanerani sulinngiffeqarnissap tungaanut kinguartinneqartoq, siunnersuuteqartup aningaasaqarnermut ministerip, KNR-imut paasissutissiissutigaa.

Ministeriunerup Mette Frederiksenip (S), sapinngisamik sulineq kigaallatsinneqarnissaa siunnersuutigaa. Siunnersuullu folketingimi siulittaasuusimasumit, Pia Kjærsgaardimit (DF) isornartorsiorneqartoq, retzau allappoq.

Inuillu Christiansborgimiittut taama amerlatigitillugit misissorneqartalernissaat aalajangiunneqarpoq.

Christiansborgimi Folketingimi suliat siorna novembarimi killilersuisoqarmat aamma kigaallatsinneqaqqaarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat