- Coronavirusimut akiuussusiornissamut misissuinerit qaammaterpaalunnik sivisussuseqassaaq, virusimullu tassunga akiuussusiorneq sivikinnerpaamik ukiumik ataatsimik sivisussuseqassalluni, nunani tamalaani akiuussusiortartut kattuaffianni Gavisimi qullersaq, Seth Berkeley, oqarpoq.Assi: Axel Schmidt/Reuters/Ritzau Scanpix

Coronavirusimut akiuussusiorneq ukiumik ataatsimik sivisussuseqarsinnaasoq

Coronavirusip sananeqaataata ilisarnaatai suussusersineqarput, nunanilu tamalaani akiuussusiortartorpaaluit coronavirusimut akiuussusiortoqarnissaa sulissutigileruttorpaat.

Virusimut nutaamut tassa coronavirusimut akiuussusiorneq sivikinnerpaamik ukiumik ataatsimik sivisussuseqarsinnaavoq. Nunani tamalaani akiuussusiortartut kattuffiat, Gavi, taama naliliivoq.

Ilisimatuut coronavirusip qanoq siaruaatsigisinnaaneranik naliliinissaminnut nappaat taanna pillugu suli ilisimasakippallaartut, Gavisimi qullersap, Seth Berkeleyp oqaatigaa.

- Coronavirusimut akiuussusiornissamut misissuinerit qaammaterpaalunnik sivisussuseqassaaq, virusimullu tassunga akiuussusiorneq sivikinnerpaamik ukiumik ataatsimik sivisussuseqassalluni, Seth Berkeley oqarpoq.

AAMMA ATUARUK Wuhanimi innuttaasut illoqarfimminniit qimaguteqqusaanngitsut

Inuit coronavirusimik pualluuteqalersitsartumik - Kinami illoqarfissuarmi Wuhanimi aalisakkanik niuerfissuit ilaannit siaruaassimassangatinneqartumik - tunillatsissimasut maannamut 571-iupput. Kinami oqartussat oqarnerat naapertorlugu inuit maannamut 17-it coronavirusimik toqquteqarsimapput.

- Ilisimatuut coronavirusip sananeqaataata ilisarnaataanik suussuseereersimanerat tusarluarnaqaaq, tamannalu nunani tamalaani akiuussusiortartorpaaluit virusimut tassunga akiuussusiorsinnaanngornerannik kinguneqarpoq, Seth Berkley oqarpoq nangillunilu:

- Coronavirusimut akiuussusiorneq nappaatinut soorlu malariamut HIV-mullu akiuussusiornermit ajornannginneruvoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat