Assi: RitzauScanpix

Coronavirusimik tunillatsissimasumik Aasianni nassaartoqartoq

Tunillatsissimasoq nakkutigineqarluartoq oqartussat paasissutissiipput.

Nunatsinni coronavirusimik tunillatsissimasumik nassaartoqaqqippoq. 

- Innuttaasoq Aasianneersoq Danmarkimiit angerlareerluni Covid-19-imik tunillatsissimasoq paasineqarpoq.  Tunillatsittoq inoqutinilu aneqqusaanngillat, tunillaassuunnissarlu soorpianngitsutut nalilerneqarpoq, naalakkersuisut tusagassiuutinut naluaaruteqarpoq.

Tunillatsissimasoq nunatsinnut aallannginnermini misiligummik tigusiffigineqarami coronaviruseqanngitsutoq paasineqarpoq.

 - Pineqartoq Danmarkimi sivisuumik napparsimareerluni ullualuit matuma siorna Aasiannut angerlarpoq. Pineqartoq napparsimanermini Covid-19-eqarsimavoq, aallannginnerminilu arlaleriarluni misissortippoq aaqqissimasutullu nalilerneqarluni, naalakkersuisut tusagassiutinut nalunaarummi allapput.

Coronavirusimik tunillatsissimasoq nakkutigineqarluartoq nakorsaaneq oqarpoq.

- Tunillatsissimasoq aaqqereeraluarluni misiligummik tigusiffigineqarami tunillaassuukkunnaareersumik suli coronaviruseqartutut ersiuteqarsinnaanera ilimagineqarpoq. Kisianni tunillaassuutilertoqarsinnaanera avaqqussinnaanngilarput. Taamaammat suliami matumani soorunami sunut tamanut piareeqqaniarsarivugut, nakorsaaneq Henrik L. Hansen oqarpoq.

Oqartussat maleruaqqusaat malikkit

Peqqinnissakkut siunnersuutit nakorsaanerup malinneqarnissaat suli pingaaruteqarnerarpaa:

  • Minnerpaamik 2 meterinik ungasissuseqarit
  • Asakulaneq sprititerikulanerlu
  • Qanit talinnik asserlugu quersortarit tangajortarlutillu
  • Qisernaveersaarit
  • Eqqiaaneq silaannarissarnerlu eqqumaffigikkit
  •  Danmarkiminngaanniit tikittut tamarmik sapaatit akunneri marluk angerlarsimaannassapput, Covid-19-imullu ersiuteqarnermi ingerlaannaq oqarasuaatikkut peqqinnissaqarfimmut saaffiginnittoqassaaq.
  • Angalasut tamarmik tikinnerminniit ullut tallimassaani Covid-19-imut peqqissaavimmi qaninnerpaami imaluunniit nunap immikkoortuani napparsimmavimmi misissortissapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat