- Nunat ilaasa nunani allani utoqqaat akiuussuserneqarnissaat eqqarsaatiginagu nunaminni inuusuttunik peqqissunik akiuussutissiiniarnerunerat pakatsinarpoq, WHO-p qullersaa Tedros Adhanom Ghebreyesus oqarpoq.Assi: Christopher Black/Reuters/Ritzau Scanpix

Coronavirusimik tunillanneqarsimasut nunarsuaq tamakkerlugu amerliartoqqilertut

Coronavirusimik tunillaneqarsimasut nunarsuaq tamakkerlugu tunillanneqarsimasut sapaatit akunnerata siuliani amerliartoqqilerput. WHO-p qullersaata, Tedros Adhanom Ghebreyesusip, tamanna pakatsissutigaa uissuumminartinnaguli.

Coronavirusimik tunillanneqarsimasut nunarsuaq tamakkerlugu sapaatit-akunnerini kingullerni arfinilinni ikiliartorsimariarlutik, nunarsuaq tamakkerlugu sapaatit-akunnerata kingulliup ingerlanerani amerliartoqqilerput.

Naalagaaffiit Peqatigiit peqqissuunissaq pillugu suleqatigiiffiat, WHO, ataasinngornermi taama ilisimatitsivoq.

Tunillanneqarsimasut ataatsimut isigalugit amerliartoqqilernerat WHO-p qullersaata, Tedros Adhanom Ghebreyesusip, pakatsissutigaa uissuumminartinnaguli.

Coronap siaruatsaaliornissaa pillugu killilersuinerit qasukkaamineqanngikkallarnissaat taassuma kaammattuutigaa.

AAMMA ATUARUK New Zealandimiut coronavirusimik nunarsuarmi siaruatsaaliilluarnerpaasut

Coronavirusimut akiuussutissat siammarterneqaleruttorneranni coronavirus nunani tamalaani tuniluutilertoqqilerpoq, nunanili assigiinngitsuni killilersuinerit aamma qasukkaamineqaleruttorlutik.

- Nunat ilaat akiussutissat isumalluutigiinnarniarunikkit kukkussapput. Nappaatimmi siaruatsaaliornissaa iluatsissappat isumannaallisaanerit tunngaviulluinnartut atuutsinneqartariaqarput, WHO-p qullersaa Tedros Adhanom Ghebreyesus oqarpoq.

Nunat pisuunerit aamma appisaluuppai. Nunammi pisuunerit nunat allat eqqarsaatiginagit akiuussutissanik pisiortungaatsiarmata.

- Nunat ilaasa nunani allani utoqqaat akiuussuserneqarnissaat eqqarsaatiginagu nunaminni inuusuttunik peqqissunik akiuussutissiiniarnerunerat pakatsinarpoq, WHO-p qullersaa oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat