Coronavirusimik nappaateqarsimasut 935-t misissuinermi apersorneqarput. Taakkunannga 91,1 procentit oqaatigaat, nappaateqarsimanermut takussutissamik minnerpaamik ataatsimik suli kingunerluuteqarlutik.Assi: UCL Mathematical & Physical Sciences/flickr

Coronavirusimik nappaateqarsimasut Korea Kujallermi misissuinermi apersorneqartut amerlanerpaartaat kingunerluuteqarnerartut

Qasuneq, aallussisinnaannginneq aamma susunnimik naamasinnaassusermillu malussarissikillineq coronavirusimik nappaateqarsimanermi kingunerluutaasinnaasut ilagigaat, misissuinermi nutaami erserpoq.

Inuit coronavirusimik nappaateqarsimasut napparsimajunnaartutullu nalunaarutigineqarsimasut nappaateqarsimanertik suli kingunerluutigisinnaavaat. Inuimmi quliugaangata qulingiluat Korea Kujallermi misissuinermi nutaami apersorneqarnerminni oqaatigaat, peqqissisimasutut nalunaarutigineqareeraluarlutik nappaateqarsimanertik suli kingunerluutigaat.

Coronavirusimik nappaateqarsimasut 935-t misissuinermi apersorneqarput. Taakkunannga 91,1 procentit oqaatigaat, nappaateqarsimanermut takussutissamik ikinnerpaamik ataatsimik suli kingunerluuteqarlutik.

Qasuneq, aallussisinnaannginneq aamma susunnimik naamasinnaassusermillu malussarissikillineq coronavirusimik nappaateqarsimanermi kingunerluutaasinnaasut ilagaat.

Korea Kujalliup peqqissutsimut aqutsisoqarfiata oqaaseqartartua, Kwon Jun-wook, tusagassiortunut ilisimatitsinermi taama  oqarpoq.

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

  Misissorneqareersimasut 10353
  Tunillanneqarsimasut
17
  Peqqisseqqittutut nalunaarutigineqartut 16
  Napparsimavimmi uninngasut 0
  Anersaartuuteqartitaasut 0
  Toqquteqartut 0
Takuuk: nun.gl Nunatsinni Nakorsaaneqarfik
  Nutarterneqarpoq
  oktobarip 23-at 2020 nal. 10:45