Virusimik taassuminnga toqquteqartut 24-nik ilasut, Kinap qiterpasissuani nunap immikkoortuani Hubeimi peqqinnissaqarfiup ilisimatitsissutigaa.Assi: Stringer/Reuters/Ritzau Scanpix

Coronavirusimik Kinami toqquteqartut 100-nit amerlanerulertut

Coronavirusimik toqquteqartut 24-nik ilasut, taassuminngalu Kinami toqquteqartut 106-inngortut, Kinami oqartussat ilisimatitsissutigaat.

Nualluummik coronavirusimik Kinami toqquteqartut maanna 100-t sinnerpaat. Inuimmi coronavirusimik toqquteqartut maannamut katillugit 106-iupput, inuillu allat 1300-t nutaat tunillanneqarsimallutik.

Kinami oqartussat marlunngornermi taama nalunaaruteqarput.

Virusimik taassuminnga toqquteqartut 24-nik ilasut, Kinap qiterpasissuani nunap immikkoortuani Hubeimi peqqinnissaqarfiup ilisimatitsissutigaa.

Tamatuma saniatigut inuit 1291-it tunillanneqarsimasut, nutaarsiassaqartitsiviup AFP-ip allaaseraa.

AAMMA ATUARUK Nakorsaaneqarfik nualluut pillugu: Pilersaaruteqarpoq

Kinami maannamut tunillanneqarsimasut taamaasillutik 4000-it maanna sinnerpaat.

Japanimi, Korea Kujallermi, Taiwanimi, Thailandimi, Nepalimi, Vietnamimi, Canadami, Saudi-Arabiami, USA-mi, Frankrigimi Australiamilu aamma tunillatsittoqarsimasoq uppernarsarneqareerpoq.

Tysklandimilu nunap immikkoortuani Bayernimi inuk tunillanneqarsimasoq ataasinngornermi unnukkut siumorneqartoq, Bayernimi peqqinnissaqarfiup uppernarsarpaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat