Coronavirusimik Danmarkimi tunillanneqarsimasut maanna 785-iusut
Coronavirusimik Danmarkimi tunillanneqarsimasutut paasineqartut sisamanngornermut naleqqiullugu 111-nik amerleriarsimapput.
![](/sites/default/files/styles/image_934x467/public/article_images/20200312-155735-l-1920x1280we.jpg?itok=IaPR-q05)
Danmarkimi ministererpaaluit oqartussaasunilu qullersarpaaluit coronavirus tuniluukkaluttuinnartoq pillugu ullut tamaasa ilisimatitsissuteqartarput.
Allattoq Ritzau
Nutserisoq Mads Lynge
Danmarkimi coronavirusimik tunillanneqarsimasutut paasineqartut maanna 785-iupput. Napparsimasut isumannaatsuunissaat pillugu aqutsisoqarfik tallimanngornermi taama nalunaaruteqarpoq.
Tunillanneqarsimasutut paasineqartut sisamanngornermut naleqqiullugu 111-nik taamaasillutik amerleriarput.
Coronavirusi Danmarkimi suli toqqutigineqanngilaq, tunillanneqarsimasullu ilaannai amerlanngitsut napparsimmavinni uninngapput.
Danmarkimi tunillanneqarsimasut saniatigut pingasut Savalimmiuni tunillanneqarsimapput. Tunillanneqarsimasormi ataaseq sisamanngornermi siumorneqarmat.
Kalaallit Nunaanni tunillanneqarsimasumik suli siumuisoqanngilaq.