Danskit arfinilinnit ikinnerunngitsut akunnittarfimmi H10 Adeje Palacemi maanna mattussaaqqagallarput.Assi: Desiree Martin/AFP/Ritzau Scanpix

Coronavirusi Tenerifemi akunnittarfimmi tuniluuttoq

Adejemi takornarianit ornigarneqaqisumi akunnittarfimmi najugallit misissorneqarneranni inuk ataaseq tunillatsissimasoq marlunngornermi unnukkut paasineqarpoq.

Tenerifemi akunittarfimmi inuk ataaseq coronavirusimik tunillatsissimavoq, danskillu takornariat akunnittarfimmi tassani maanna mattussaaqqagallarput.

Spaniamiut aviisiat, El Pais taama allappoq.

Nakorsaq takornariaq Italiameersoq nualluummik coronavirusimik tunillatsissimasoq ataasinngornermi paasineqareersorlu takornariat 1000-t missaat illoqarfimmi Adejemi akunnittarfimmi mattussaaqqalerput.

Nakorsap tunillatsissimasup nulia aamma tunillatsissimasoq

Spaniami oqartussaasut oqarnerat naapertorlugu nakorsap takornariap nulia aamma tunillatsissimasoq marlunngornerminni unnukkut paasineqarpoq.

Aappariit illoqarfiup Santa Cruzip napparsimmaviani maanna uninngasut, El País allappoq.

AAMMA ATUARUK Tenerifemi danskit marluk coronavirusi pissutaalluni mattussaaqqasut

Danskit arfinilinnit ikinnerunngitsut akunnittarfimmi H10 Adeje Palacemi maanna mattussaaqqagallarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat