Coronavirusi pissutigalugu atualeqqaarfinni maleruaqqusaqassasoq

Atualeqqaarfimmi aaqqissuussat sapinngisamik silami ingerlanneqassasut nalunaarutigineqarpoq, angajoqqaallu atuartullu kisimik atuarfimmut isersinnaapput, atuartullu ilinniartitsisullu kisimik klassimut isersinnaassallutik. Atuarfinni anginerpaani atuariartorfissat aamma nikingasinnaapput.
Atualeqqaarfik aasaq manna allaanerussaaq. Coronavirusimi pissutigalugu maleruaqqusaqassaaq. Assi © : Kommuneqarfik Sermersooq
aggustip 09-at 2020 13:05

Atuartut atualeqqaarnissaat qanillivoq.

Coronavirusilli nalaani allaanerussaaq. Ullormi atualeqqaarfik maleruaqqusaqassasoq kommunit tamarmik isumaqatigiissutigaat.

Kommuneqarfik Sermersooq nittartakkamini taama ilaatigut allaaserisaqarpoq.

Illoqarfimmi atuarfiit nunaqarfimmilu atuarfiit assigiinngissuteqartut kommunip ilisimatitsissutigaa, ullormulli atualeqqaarfimmut maleruaqqusaqassaaq.

Atuarfiit nalinginnaasumik skema malillugu amerlanerpaatigut ingerlajumaarput, ullormilu aaqqissuussat sapinngisamik silami ingerlanneqassasut nalunaarutigineqarpoq, angajoqqaallu atuartullu kisimik atuarfimmut isersinnaapput, atuartullu ilinniartitsisullu kisimik klassimut isersinnaassallutik. Atuarfinni anginerpaani atuariartorfissat aamma nikingasinnaapput.

- COVID-19 pillugu killiffik maleruaqqusallu allanngorartuarput, atualeqqaarfimmilu tamanna malugineqanngitsoornavianngilaq. Atuarfiilli nalinginnaasumik skiima malillugu amerlanerpaatigut ingerlajumaarput, Kommuneqarfik Sermersooq tusagassiuutinut nalunaarummi taama ilaatigut allaaserisaqarpoq.

Ulloq atualeqqaarfik immikkuullarissuullunilu puigunaatsuusoq kommunip ilisimavaa, Kommuneqarfik Sermersooq taama allaaserisaqarpoq:

- Taamaammat kommuniniit tamaniit atuartunngortunut atualersitsisunullu tikilluaqqusillutalu pilluaqqusivugut, kommuni taama allappoq.