Uulialli akiata appariartornera nunatsinni maannangaaq malugineqarnavianngilaq, uuliami nunatsinnut eqqussorneqartup annertussusaa piffissamut sivisuumut naammattuuvoq, akuttusuumik pisisoqartarluni. Polaroilip pisortaa Githa Brask KNR-imut tallimanngornermi taama ilisimatitsivoq.

Coronavirusi akitigullu unammilleqatigiinnerit pissutaallutik uuliap akia appariartortoq

Coronavirusi nunallu uuliaatilissuit saqitsaannerat pissutaallutik uuliap akia 20 procentinit qaffasinnerusumik apparpoq.

Coronavirusip nunani tamalaani tuniluunnerata ilutigisaanik nunarsuarmi uuliaatilissuit akerleriilermata uuliap akia apparujussuarpoq.

Uuliap akiata apparujussuarneranut pissutaasut arlaliusut, USA-mi nutaarsiassaqartitsivik Bloomberg News allappoq.

Uuliap piumaneqarnera coronavirusi pissutaalluni annikillivoq - ilaatigut timmisartuussisoqarpiarunnaarnera pissutaalluni.

Aamma Ruslandip uuliamillu nioqqutissiortut kattuaffiata OPEC-ip isumaqatigiinniarnerat tallimanngormat ajalusoorpoq.   

Uuliap akiata qaffannissaa anguniarlugu uuliamik nioqqutissiornerup annikillinissaa pillugu isumaqatigiissusiornissartik oqaluuseraat, Ruslandili taamaaliorumanani.

Nunatsinnut maannangaaq sunniuteqarnavianngitsoq

Nunarsuarmi uuliaatilissuit annerpaartaasa ilaata, Saudi-Arabiap uuliaatimi akia sapaatip akunnerata naanerani appangaatsiarpaa.

Asiami niuerneq ataasinngornermi ammarneqarmat uuliap akia issariarnialuit ingerlaneranni 31 procentit sinnerlugit apparpoq.

Uuliap akia Irakip Kuwaitillu 1991-imi sorsunnerisa kingornali ullup ataatsip ingerlanerinnaani aatsaat taama appartigisoq, USA-mi nutaarsiassaqartitsivik Bloomberg News allappoq. 

Uulialli akiata appariartornera nunatsinni maannangaaq malugineqarnavianngilaq, uuliami nunatsinnut eqqussorneqartup annertussusaa piffissamut sivisuumut naammattuuvoq, akuttusuumik pisisoqartarluni. Polaroilip pisortaa Githa Brask KNR-imut tallimanngornermi taama ilisimatitsivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat