Takornariat nunarsuaq tamakkerlugu januaarimit maajimut 300 millionit missaannik ikileriarsimapput. Naalagaaffiit Peqatigiit takornariat pillugit suleqatigiiffiata UNWTO-p kisitsisaataanni tamanna atuarneqarsinnaavoq.Assi: Kazuhiro Nogi/AFP/Ritzau Scanpix

Coronap kingunerisaanik nunarsuarmi tamarmi takornariat 300 millioninik ikinnerusut

Nunarsuarmi tamarmi takornarialerinermik ingerlataqartut coronap kingunerinerisaanik 2030 millionit koruuninik januaarimiit maajimut annaasaqartut, Naalagaaffiit Peqatigiit naliliipput.

Coronavirus nunarsuaq tamakkerlugu ukiup aallartilaarnerani tuniluutilermat inuit sulinngiffeqarlutik nunani tamalaani angalasarnerat unippoq.

Takornariat nunarsuaq tamakkerlugu januaarimit maajimut 300 millionit missaannik ikileriarsimapput. Naalagaaffiit Peqatigiit takornariat pillugit suleqatigiiffiata UNWTO-p kisitsisaataanni tamanna atuarneqarsinnaavoq.

Takornariartitsisartut nunarsuaq tamakkerlugu kaaviaartitaasa ikileriangaatsiarsimapput, aamma nunatsinni.

Takornariartitsisartut nunarsuaq tamakkerlugu januaarimit maajimut annaasaat 320 milliardit dollariusut, UNWTO-p missingersuutigaa. Tassa 2030 milliardit koruunit missaat.

AAMMA ATUARUK Naalakkersuisoq om corona-krav til krydstogtskibe: Folk skal beskyttes

Peqqissutsikkut illersorneqarsinnaalerpat takornariartitsisarneq sutigut tamatigut ikiorneqartariaqartoq, UNWTO-p qullersaata Zurab Pololikashvilip oqaatigaa.

- Takornariartitsisarnerup nunarsuaq tamakkerlugu eqqorneqarneratigut inuppassuit inuussutissarsiutaannik ulorianartorsiortitsivoq, aamma nunani siuarsagassani, Pololikashvili, UNWTO-p nittartagaani ilaatigut oqarpoq.

Ukioq manna maajimi takornariat siorna piffissap taamaalineranut naleqqiullugu 98 procentinik ikinnerupput.

Nunani tamalaani timmisartuussinerit nalinginnaasupajaanngorallarnissaat aamma naatsorsuutigineqanngilaq.

Nunani tamalaani silaannakkut angallassinermut oqartussat kattuffiata, IATA-p oqarnera naapertorlugu silaannakkut angallanneq siusinnerpaamik 2024-mi nalinginnaasunngoqqissaaq. Nutaarsiassaqartitsivik, AFP taama allaaserisaqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat