- Angajoqqaakka Danmarkimut nuunnikuummata, juullisioriarfigisussaagaluaratsigit. Linda Davidsen taama oqarpoq.Assi: Linda Davidsen

Coronap ilaqutariit juullisioriartinniarunnaarai: Angajoqqaakka qangali takuagut

Ilaqutariit Davidsenikkut ilaquttaminnut juullisioriartussaagaluarlutik, akisussaaffimmik tiguseqataallutik aallarniarunnaarlutik aalajangerput.

Nunatta Danmarkillu akornanni juullinngitsiarnerani angallattoqarnavianngilaq.

Nunatta nakorsaanerata peqqissutsimullu naalakkersuisup coronap juullimi tuniluunnissaa ernummatigalugu, angallannissat Air Greenlandimut taamaateqquai.

Ilaqutariit Davidsenikkut Aasiaanniit Danmarkimut juullisioriartussaagaluit taamaatitsisariaqarsimapput.

- Angajoqqaakka Danmarkimut nuunnikuummata, juullisioriarfigisussaagaluaratsigit.

Linda Davidsen taama oqarpoq.

Taassuma ilaquttani, tassa uini meeqqatillu marluk arfinilinnik aqqaneq marlunnillu ukiullit ilagalugit, Danmarkimut Herlufmaglemut Næstvedip eqqaaniittumut juullisioriartussaagaluarput.

- Soorunalimi peqqussutit saqqummiullattaalermagit, pissanganaqqaarpoq pakatsinaqqaarlunilu sivisuumik takunikuunagit takunngitsuulerunarlugit uppernarsiartorlugu.

Linda Davidsen taama oqarpoq.

Nunarsuaq tamakkerlugu coronap tuniluunnera peqqutigalugu Nunatta Danmarkillu akornanni pisariaqanngitsumi angallannissaq siusinnerusukkulli pisortanit innersuussutigineqanngilaq.

Taamaakkaluartoq Davidsenikkut decembarip 22-ani juullisioriarlutik aallarnissartik naatsorsuutigigaluarpaat.

Oqartussalli innersuussereersut taakku aallarniarunnaarput.

- Akisussaaffimmik tiguseqataalluta, peqqussutinik malinnilluta uniinnarpugut.

Angalanissap ullui allanngortinneqarsinnaanerannik Air Greenland neqerooruteqaraluarpoq, Linda ilaqutanilu aallarniarnatik aalajangerput.

- Meeqqat paaseqqaaramikkit aallaqqaammut pakatseqqaarput. Kisianni takusinnaajartorpaat, naggataatigullu akueralugu.

- Takusinnaajartoratsigut aamma uagut sissueraluarlutaluunniit risiko tassaniittoq, taamaammat aamma taanna ernummatigisatsinnut ilaavoq.

Ilaqutariit Aasianni ilaquttatik peqatigalugit juullisiorniarlutik aalajangerput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat