Coronalli ajornartorsiortitsinera nunarsuarmi aningaasaqarnermut akornusiivoq, tanannalu nunatta aningaasaqarneranut aamma akornusiissaaq. Toqqorsivimmit assiAssi: KNR // Anton Gundersen Lihn

Coronap ajornartorsiortitsinera aalisakkat akiinut pingaarutilinnut appartitsisinnaasoq

Aalisarneq amerlasuutigut nunatta inuussutissarsiuteqarnerani pingaarnerpaanerarneqakkajuppoq. Coronalli ajornartorsiortitsinerata aalisarnermit isertitat annikinnerulersissinnaavai.

Aalisakkat nunarsuarmi akii nunatta aningaasaqarnerata tunaartarivallaarpai.

Nunatta aningaasaqarnera nunarsuarmi aalisakkat akiinit ukiuni kingullerni qaffanneqartoq amerlasooriarluni oqaatigineqarnikuuvoq.

Coronalli ajornartorsiortitsinera nunarsuarmi aningaasaqarnermut akornusiivoq, tanannalu nunatta aningaasaqarneranut aamma akornusiissaaq.

Ilisimatusarfimmi inuiaqatigiilerinermi adjunki, Javiar Anaut taama naliliilluni KNR-imut oqarpoq.

- Ajornartoorneq una piserussusermik uneriataaartitsissaaq, nunarsuarmiullu aningaasarsiornerisa unikaallannissaannut ernumasariaqarpugut, KNR-imut mailikkut allappoq.

- Nunarsuarmi tamarmi piumaneqarnerit annikinnerat avammut nioqquteqarnitsinni akinut sunniuteqassaaq, pingaartumik aalisakkanik qalerualinnillu tunisassiornitsinnut. Tamanna pisortat isertitaannut, suliffissaqarnernut naggataatigullu Kalaallit Nunaata tunisaata ataatsimut nalingasunut sunniuteqarnerlussalluni.

AAMMA ATUARUK Coronap ajornartorsiortitsinera nunatta aningaasaqarneranut kingunerlungaatsiassasoq

Aningaasaqarnermut siunnersuisoqatigiit aalisakkat akii coronallu ajornartorsiortitsinera aamma ernumatigaat.

- Kalaallit Nunaata aningaasaqarnerata immikkuullarissuunera pissutaalluni nunanut allanut amerlanernut sanilliulluni allaanerusumik eqqorneqarpoq. Aalisarneq avammut tunisaqarnersaasoq, tassanilu nunarsuarmi aningaasaqarnikkut ajornartorsiornerup nassatarisaanik akit apparnerat aarlerinaatini annertunersaavoq, Aningaasaqarnermut Siunnersuisoqatigiit coronap ajornartorsiortitsinerata kingunerisinnaasai pillugit nalunaarusiamini allapput.

Nunarput Danmarkimit naalagaaffimmit ukiut tamaasa tapiissuteqarfigineqartarpoq. Tamanna pissutigalugu nunarsuarmi akit allanngorneranik nunanit allanit tapissuteqarfiuneq ajortunit malussannginnerusarluni.

AAMMA ATUARUK Aalisakkat akigi peqqissuuneq siuariartornerlu: Aningaasaqarnermut Siunnersuisoqatigiit nalunaarusiaanni maluginiagassat pingasut

Aningaasaqarnermut Siunnersuisoqatigiit nunatta karsia aalisakkat akiisa apparnissaanut mianernartoq siusinnerusukkut mianersoqqussutiginikuuaat.

Aalisakkat akii tamarmik 20 procentimik appassagaluarpata nunatta karsiata aningaasat qanoq amerlatigisut annaassanera siunnersuisoqatigiit misissueqqissaarlutik siorna ukiumoortumik nalunaarusiaraat.

- Matumani akitigut malunnaatilimmik appariartoqarnera pineqarpoq taamatulli pisoqarnera oqaluttuarisaanermi piviusorsiorpoq. Taamatut akit apparnerisa pisuussutinut akitsuutinit, isertitanit akileraarutinit ingerlatseqatigiiffiillu akileraarutaannit toqqaannartumik pisortat isertitaasa 230 mio.kr.-nik annikillinerannik kinguneqassaaq. Tassunga ilanngullugu nunami ingerlatat ikinnerulernerisa kingunerisaanik pisortat aningaasaqarnerat toqqaannanngitsumik sunnerneqassaaq, siunnersuisoqatigiit siorna nalunaarusiaminni allapput.

Takornariaqarnermik suliaqartut aamma eqqugaassasut, Aningaasaqarnermut Siunnersuisoqatigiit naliliipput.

Tamatuma saniatigut uuliamik aatsitassanillu misissuinermik suliaqarnissat kinguartinneqarnerat unitsinnarneqarneralluunniit Naalakkersuisut aalisarnerup avataatigut aningaasanik isaatitsiniarnerannut sunniuteqangaatsiassasut, siunnersuisoqatigiit allapput.

Nunatsinni coronavirusi pillugu
killiffik

Uninngasut 0  
Toqusut 21  
Siullermik kapitissimasut 73%  
Aappassaa kapitissimasut 68%  
corona.nun.gl-imi kisitsit takukkit  
  Nutarterneqarpoq: 
  Apriilip 1-aat 14:00

corona_model_001.png

Nunatsinni coronavirusi pillugu

Coronavirusimik tunillatsinissaq pinaveersaaruk