- Qinngakkut nappaatip suuneranik misissuinermi misissukkap inernera tutsuiginarnerusarpoq, kisiannili innuttaasunit ippigineqarpoq, Nakorsaaneq Henrik L. Hansen oqarpoq. Assi: RitzauScanpix

Coronamut misissortittarneq tutsuiginarnerusoq Nakorsaaneqarfimmit atorneqarunnarpoq

Nakorsaaneqarfik isumaqarpoq qinngakkut misissortitarneq innuttaasunit ippigineqartoq misissortinnissamullu tunuarsimaarfigineqartartoq.

Kalaallit Nunaanni innutaasut 3954-it Coronavirusimut misissortipput, ilaatigut vatpind atorlugu qinngakkut misissortittoqartarluni.

Qinngakkut misissortittarneq peqqinnissaqarfimmit atorneqarunnaassaaq naak taamatut misissortittarneq tutsuiginarnerugaluartoq.

Qinngakkut coronamik misissortittarneq atorunnaarsinneqarpoq, Nakorsaaneqarfimmit oqaatigineqartut naapertorlugit, qinngakkut misissortittarneq ippigineqarmat.

Qinngakkut nappaatip suuneranik misissuinermi misissukkap inernera tutsuiginarnerusarpoq, kisiannili innuttaasunit ippigineqarpoq tamannalu pissutigalugu inuit misissortinnissamut tunuarsimaarsinnaallutik, Nakorsaaneqarfimmit tusagassiuutinut nalunaarummi taama allassimavoq.

Siunissami misissortinnerni tamani toqqusaakkut taamaallaat misissortittoqartalissaaq.

”Misissortinnermi inernerit tutsuiginarnerusut imaluunniit misissortissimasut amerlanerusinnaanerat toqqarneqarsinnaasimapput, matumunngalu tunngatillugu peqqissutsikkut ilisimasat tunngavigalugit nalilerneqarpoq misissortittut amerlassusaat pingaarnerpaasoq. Toqqusaakkut misissortinneq kisiat atorneqarsinnaalluarpoq, nunanilu amerlanerusuni atorneqarluni,

Nakorsaaneq Henrik L. Hansen taama nassuiaavoq.

Peqqinnissamut oqartussat innutaasut amerlanerusut missisortittarnerat allanngortippaat.

Coronavirusimut misissortissinnaaput nappaammik ersiuteqartut aamma Kalaallit Nunaannut tikittunut attaveqarsimasunut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat