Assi: KNR

Coronamut killiffik: Pingasut allat Nuummiittut tunillatsissimapput

Nunatsinni illoqarfiit pingaarnersaanni coronavirusimik tunillatsissimasut maanna qulingiluaapput. Taakkunannga marluk peqqississimapput.

Nuummi coronavirusimik allanik tunillatsittunik paasisaqartoqaqqippoq. 

Misissukkat 32-t ullumikkut akissutersineqarput, taakkunanngalu pingasut tunillatsissimasut paasineqarluni.

Tunillatsittut pingasut nutaat tamarmik Nuummi najugaqarput, illoqarfiillu pingaarnersaanni tunillatsissimasunik kisimi suli paasisaqartoqarluni.

Tunillatsissimasunik qulingiluanit marluk peqqisseqqipput.

- Nunarsuarmi pisut Nuummut aamma kipiluttunartoqartitsipput. Tunillatsittut nutaat qujanartumik aamma nunani allani tunillatsittuupput, nakorsaaneq tunillatsittut nutaat pingasut pillugit oqarpoq.

AAMMA ATUARUK Kujataani suliffeqarfiit ilaat coronavirusi pissutaalluni akiliisinnaajunnaarsinnaasut

- Tunillatsittut nutaat pingasut ilaqutariiupput. Ilaqutariit angerlarsimaffimminni mattuteqqasuupput, taakkunanngalu tuniluuttoqarsimanissaanut pasitsaassaqanngilagut.

Nakorsaaneq tunillatsissimanngitsoq

Nunatsinni inuit 321-t maannamut misissorneqarput. Nakorsaaneq misissorneqartunut ilaavoq. Taannalu tunillatsissimanngitsoq paasineqarpoq.

Namminersorlutik Oqartussani misissukkat aamma taama inerneqarput.

- Oqarasuaammik sianertarfissamik pilersitsiniarninni amerlavallaartunik Nakorsaaneqarfimmut isertitsillunga kukkussuteqarpunga. Sianiilliorneruvoq, taamaaliortoqarunnaassaaq, nakorsaaneq, Henrik Hansen oqarpoq.

AAMMA ATUARUK Tamaat isigalugu: Coronavirus pillugu killiffik

- Ataatsimillu eqqaamasassaqarpugut: Naak tunillatsissimanani paasigaluarlugu tunillatsissimagaanni nappaatip ersiutai ullut 14-it qaangiunnera aatsaat takkussinnaasarput. Taamaammat tunillatsissimanani paasereeraluarlugu angerlarsimaffimmi sapaatini-akunnerni marlunni mattuteqqanissaq pingaaruteqarluinnarpoq.

Tunillatsissimasunit qulingiluanit marluk peqqisseqqipput.

Isummersuutit