Assi: KNR

Coronamit killilersuinerit: Orpinnik ikitsinissat ukioq manna allaanerussapput

Pilersaaruterpassuit assigiinngitsut corona pissutigalugu ukioq manna allanngorput. Inuppassuarnik katersuutsitsineq pinaveersaarniarlugu Nunatsinni illoqarfinni anginerni orpinnik ikitsinerit nittartakkatigut toqqaannartumik isiginnaagassanngortinneqarput.

Qaqortumi inuit 250-t sinnerlugit katersuunnissaat pinaveersaartinniarlugu orpik ullaakkut nalunaaqutaq arfinermut ikissaaq.

Aamma Nuummi coronamut killilersuutit arajutsinngilaat.

Nuummi Rudolf qasusoq

- Ukioq manna imatut allapparput: Rodulfikkut eqqissisimaartitaagamik taamaammat juullip inua ikiorneqartariaqarpoq. Meerarpassuit ilaqutariilluuniit aqqusinermukartikkusuppagut qaammartartunillu tunillugit, taakkulu aqqusinermut qaammaqqutitut atussavaat niisimaap aqqutissani takuniassagamiuk, Kommuneqarfik Sermersuumi kulturimut aaqqissuussanullu akisussaasoq, Frederik Elsner taama oqarpoq.

Tele-Postip napparutertik portunerpaaq orpiliatut ilusilersorlugu qullilersussavaa napparullu Nuummi sumiikkaluaraanniluunniit takuneqarsinnaassaaq.

Sisimiuni orpiup ikinnissaanut billetsit 

Sisimiunittaaq pisarnermit allaanerusumik aaqqissuipput.

- Pisarneq malillugu Sisimiuni napparsimmaviup silataani orpik sapaatiuppat novembarip ulluisa 29-ani nalunaaqutaq pingasunut ikissaaq. Coronamulli killilersuinerit pissutigalugit pisarnermit allaanerussaaq, tassami orpiup ikinneranut isissutissamik Taseralimmut aallertoqarsinnaassaaq, isissutissalli amerlassusaat killeqarput. Najuussinnaanngitsut facebookikkut toqqaannaq malinnaasinnaassapput, Sisimiuni ilinniartitaanermut pisortaq Else Finne taama oqarpoq.

AAMMA ATUARUK Kujataani illoqarfiit orpii adventip sapaataata siulliani pisarnermit siusinnerusukkut ikinneqassasut

Orpiup ikinnerani oqalugiartoqarlunilu erinarsoqatigiittoqassaaq, orpilli kaavinneqassanngilaq, mamakujuilli atuarfinnut meeqqerivinnullu agguaanneqassallutik.

Orpiit amerlanerinit inunnit katersuuffigineqassanngitsut

Aasianni Ilulissanilu inuit amerlavallaat katersuutinnginniassammata illoqarfinni pineqartuni orpiit arlallit ataatsikkut ikissapput.

Taamaasilluni inuit najuussinnaanngitsut allatigut peqataasinnaassasut kommuninit marlunnit neriuutigaat.

- Illoqarfiup immikkoortortaani assigiinngitsuni pingasuni orpik ataatsikkut sisamanut ikinneqassooq. Taannalu sioqqullugu pingasuninngaanniit niisimaaq qatserisartut biiliinik illoqarfimmi angalaassooq, Kommune Qeqertallip borgmesteria, Ane Hansen taama oqarpoq.

Taassuma orpiit ikinneqarnerisa nalaani oqalugiarnera kommunip facebookkikkut qupperneratigut toqqaannartumik malinnaaffigisinnaa

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat