Nuummi coronamk tunillatsittut kingullit paaqqinnittarfinni atuarfinnilu tunillatsittunut attuumassuteqarput.Assi: Malik Brøns / KNR

Coronamik tunillatsittut: Ullup unnuallu kingulliup ingerlanerani tunillatsittut sisamanik ilapput

Akunnerit 24-it kingulliit ingerlaneranni nunatsinni coronamik tunillatsittut sisamanik ilapput.

Ullup unnuallu kingulliup ingerlanerani corovid 19-mik tunillatsissimasut sisamanik ilasimapput - Nuummi pingasut Maniitsumilu ataaseq.

Nunarput tamakkerlugu coronamik tunillatsissimasut maanna 51-upput.

Tunillatsittut kinguliit Nuummi paaqqinnittarfinni atuarfinnilu ulluni makkunani tunillaassuttunut attuumassuteqarput.

AAMMA ATUARUK Timmiaaqqat Narsarmiutarlu suli matoqqassasut

Septemberip ulluisa arfineq pingajuanni Maniitsumi peqqissaavik matuneqarpoq, peqqinnissaqarfimmi sulisoq covid 19-nik tunillatsissimasoq paasineqarmat, Maniitsumilu tunillatsissimasut siullersaralugu.

Maniitsumi covid 19-mik tunillatsittut marlunngorput.

Tunillatsittoq peqqinnissaqarffimmi sulisumik tunillatsereersimasumut qanimut attuumassuteqartuuvoq.

Innuttaasut tunillatsissimasunut attaveqarsimasut suli qanimut malinnaavigeqqissaarneqarput, nakorsaaneqarfiup nittartagaani allassimavoq.

Nakorsaaneqarfiup nittartagaani kisitsisit kingullit saqqummiunneqartut naapertorlugit nunatsinni tunillatsissimasut 51-it ima inissisimapput:

 

Foto: Nakorsaaneqarfik

 

Nakorsaaneqarfiup nittartagaani takuneqarsinnaavoq, nunatsinni innuttaasut 60 procentii appassaanik akiuussuserneqartut.

Isummersuutit

Nunatsinni coronavirusi pillugu
killiffik

Tunillatseqqasut 126  
Ullumi tunillatsittut 35  
Siullermik kapitissimasut 40.955  
Aappassaa kapitissimasut 35.924  
Tunillanneqarsimasut 504  
Uninngasut 1  
Anersaartuuteqartitaasut 0  
Toqquteqartut 0  
corona.nun.gl-imi kisitsit takukkit  
   Nutarterneqarpoq: 
Septembarip 21-iat 12:00
 

Coronavirusimik tunillatsinissaq pinaveersaaruk