Coronamik tunillatsissimasoqarnerata Maniitsumi peqqissaavik matugaa
Coronamik tunillatsissimasumik Maniitsumi paasisaqartoqarpoq.
Maniitsumi aatsaat siullerpaamik tunillatsissimasoqarpoq.
Nakorsaaneqarfiup oqarnera naapertorlugu Maniitsumi peqqissaavimmi sulisoq coronamik tunillatsissimavoq.
- Maannarpiaq inuk ataaseq tunillatsissimasoq paasineqarpoq, kisiannili sulisut sinneri qanitaammata peqqissaaviup ammatinneqarnissaa ajornarpoq. Sulisut misissugassanik tigooqqaavigineqareerput, taakkulu inerneri pigineqaleriarpata peqqissaavik saaffiginninnernut nalinginnaasunut peruluttuunngitsunullu ammaqqinneqarsinnaanersoq peqqissaavimmi aqutsisut naliliiffigissavaat, oqartussat allapput.
Tunillatsissimasoq Maniitsumi tunillatsissimassasoq ilimagineqarpoq.
Oqaatigineqareersutut Maniitsumi peqqissaavik saaffiginninnernut nalinginnaasunut peruluttuunngitsunullu matoqqavoq. Peruluttoqarnerani 81 32 11-mut suli sianertoqarsinnaavoq