Tunillatsissimasut ilaat Maniitsumut tikeqqammernermini tunillatsissimalluni paasisaqarsimavoq.Assi: Paalu Møller

Corona pillugu ullumikkut kisitsisit: Tunillatsittut nutaat arfineq-marluk

Tunillatsittut nutaat arfineq-marluk Nuummi aamma Maniitsumi nassaarineqarput. Tunillatsittut ilaat ataaseq Nuummiit tallimanngormat angallammut MATTA-mut ilaalluni Maniitsuliarsimavoq.

Tunillatsittuni arfineq-marlunni arfinillit Nuummi nassaarineqartut, ataaseq Maniitsumi siumorneqarpoq.

Taama nunatsinni nakorsaaneqarfik ilisimatitsivoq.

Nunatsinnilu nakorsaaneqarfimmit paasissutissiissutigineqartut naapertorlugit tunillatsittut tamarmik tunillaassuuffinnit ilisimaneqareersunit tunillanneqarsimapput.

Tunillatsissimasullu ilaat Maniitsumut tikeqqammernermini tunillatsissimalluni paasisaqarsimavoq.

- Ilaasut Targamut MATTA-mut Nuummiit Maniitsumut tallimanngornermi oktobarip 22-ani ilaasimasut tunillatsissimanermut ersiuteqarnerlutik immikkut maluginiaqquneqarput, aamma ersiuteqarunik misissortinnissaminnut kaammattorneqarlutik, nunatsinni nakorsaaneqarfimmit taama nalunaaruteqarput.

Tunillatsissimasut kommunikkaarlugit agguataarneri ima isikkoqarput:

Avannaata Kommunia: 3

Kommune Qeqertalik: 1

Qeqqata Kommunia: 21

Kommuneqarfik Sermersooq: 48

Kommune Kujalleq: 1

Nuuk nunatsinni kisiartaalluni coronapasimik atuiffioqqusaavoq. Paasissutissat uani takukkit

Nunatsinni coronavirusi pillugu
killiffik

Tunillatseqqasut 300  
Ullumi tunillatsittut 124  
Siullermik kapitissimasut 71%  
Aappassaa kapitissimasut 66%  
Tunillanneqarsimasut 1456  
Uninngasut 1  
Anersaartuuteqartitaasut 0  
Toqquteqartut 0  
corona.nun.gl-imi kisitsit takukkit  
   Nutarterneqarpoq: 
Novembarip 29-at 13:15
 

Coronavirusimik tunillatsinissaq pinaveersaaruk