Tunillatsissimasut misissueriaaseq nutaaq pissutigalugu piviusumik amerlanerungaatsiarsinnaapput. Assi: Malik Brøns / KNR

Corona pillugu ullumikkut kisitsisit: Tunillatsissimasut nutaat tallimanngormamit 430-t paasineqartut

Nunatsinni tallimanngormamit ullumikkumut 736-t misissorneqarput.

Nakorsaaneqarfiup oqarnera naapertorlugu nunatsinni tunillatsissimasut nutaat 430-t paasineqarput. Taakku tallimanngormamit ullumikkumut misissukkani paasineqarput.

736-t katillugit misissugassatut tiguneqarput, taakkulu 58 procentii tunillatsissimasut paasineqarput.

Misissuisarnermut periuseq nutaaq

Misissueriaaseq allanngortinneqarpoq, taamaalilluni ikittuinnaat, tassa covid-imik tunillatsinnermi napparsimarululersinnaasut kisimik PCR-imik misissortissinnaalerlutik: 

Inuit coronamik napparsimarululersinnaasut aamma angalasussat coronapasimik atuisussat misissortissinnaapput. 

Allat sinneri angerlarsimaffimminni imminnut misissorsinnaapput aamma/ imaluunniit peqqisseqqinnissartik utaqqissavaat.

Peqqisseqqittutut nalunaarutiginissaq, angerlarsimaffimmi misissornissaq kiisalu coronamik tunillatsissimaneq nuannertut nuallunnertullu kisimi misigisimanarpat napparsimmavimmut nakorsamulluunniit attaveqarani angerlarsimaffimmi mattusimaannarnissaq inuit namminneq akisussaaffiginerulerpaat.

Tamanna misissuisarfiit napparsimmaviillu malinnaasinnaajunnaarnerannik pissuteqarpoq.

Neriniartarfiit imerniartarfiillu januaaripo ulluisa 25-ata tungaanut unnukkut quliniit ullaakkut tallimat tungaanut matoqqasassapput.

Tunillatsissimasut nutaat kommunini ukunaniipput

  • Avannaata Kommunia: 74-t
  • Kommune Qeqertalik: Arfinillit
  • Qeqqata Kommunia: Arfineq-pingasut
  • Kommuneqarfik Sermersooq: 181-it
  • Kommune Kujalleq: 69-it

Tunillatsissimasullu misissueriaaseq nutaaq pissutigalugu piviusumik amerlanerungaatsiarsinnaapput.

Tallimat corona pissutigalugu napparsimmavimmi uninngasut

Nakorsaaneqarfik naapertorlugu kisitsisinik kingullermik nutarterinermiit maannamut uninngasut pingasut angerlarput, allallu pingasut unitsinneqarlutik.

Taamaalilluni nunatsinni covid-19-imik tunillatsissimasut katillugit 15-it napparsimmavimmi uninngapput.

Tunillatsissimasunit uninngasunit qulingiluat coronaanngitsumik pissuteqarlutik uninngapput, coronalu unitsinneqarneranut pissutaanani.

Uninngasunit ataatsip corona napparsimanerminut sunniuteqartutut malugisimavaa. Taamaakkaluartorli nappaat alla pissutigalugu uninngalluni.

Uninngasut tallimat coronamik pissuteqarlutik uninngapput.

Uninngasunit 15-init qulingiluat Nuummi uninngapput, marluk Ilulissani, marluk Qaqortumi, ataaseq Upernavimmi ataaserlu Uummannami.

Nunatsinni coronavirusi pillugu
killiffik

Uninngasut 0  
Toqusut 21  
Siullermik kapitissimasut 73%  
Aappassaa kapitissimasut 68%  
corona.nun.gl-imi kisitsit takukkit  
  Nutarterneqarpoq: 
  Apriilip 1-aat 14:00

corona_model_001.png

Nunatsinni coronavirusi pillugu

Coronavirusimik tunillatsinissaq pinaveersaaruk