Corona pillugu ullumikkut kisitsisit: Tunillatsissimasut nutaat arfineq-marluk paasineqartut
Sisimiuni, Nuummi Tasiilamilu tunillatsissimasut nutaayt paasineqartut, nakorsaaneqarfik nalunaaruteqarpoq.
Tunillatsissimasunit pingasut Nuummiipput.
oktobarip 12-at 2021 12:32
Ulluni marlunni nutaanik tunillatsissimasoqanngereerluni coronamik tunillatsissimasunik nutaanik paasisaqartoqaqqippoq. Ullup ataatsip kingulliup ingerlanerani nunatsinni sumiiffinni pingasuni tunillatsissimasunik nutaanik arfineq-marlunnik paasisaqartoqarpoq.
Tunillatsissimasut pingasut Sisimiuniipput, pingasut Nuummi ataaserlu Tasiilami paasineqarput. Nakorsaaneqarfik taama paasissutissiivoq.
Sisimiuni Tasiilamilu tunillatsissimasut tunillatsissimasoqarfiusunut iliusimaneqareersunut ilaapput.
Ullup ataatsip kingulliup ingerlanerani inuit 326-t misissortipput.
Tunillatsissimasut maanna amerlassusaat kommunikkaarlugit ima agguataarneqarput:
- Avannaata Kommunia: Tunillatsissimasoqanngilaq
- Kommune Qeqertalik: Tunillatsissimasoqanngilaq
- Qeqqata Kommunia: Qulingiluat
- Kommuneqarfik Sermersooq: 37-t
- Kommune Kujalleq: Ataaseq
