Upernavimmi ataaseq, Ilulissani sisamat, Qasigiannguani ataaseq, Aasianni arfinillit Nuummilu 30-t tunillatsissimasut nutaat paasineqarput.Assi: Malik Brøns / KNR

Corona pillugu ullumikkut kisitsisit: Tunillatsissimasut nutaat 42-t

Upernavimmi ataaseq, Ilulissani sisamat, Qasigiannguani ataaseq, Aasianni arfinillit Nuummilu 30-t.

Nunatsinni tunillatsissimasut nutaat paasineqartut 42-pput.

Upernavimmi ataaseq, Ilulissani sisamat, Qasigiannguani ataaseq, Aasianni arfinillit Nuummilu 30-t tunillatsissimasut nutaat paasineqarput.

Tassa corona pillugu ullumikkut kisitsisit Aasianni coronamik tunillatsissimasoqaqqilerneranik takutitsipput.

Nakorsaaneqarfimmit kisitsisit tamanna takutippaat.

Covid-19-imik tunillatsissimasoq Qasigiannguani peqqissaavimmut piffissami sivikitsumi unitsinneqarsimasoq maannali angerlaqqissimasoq nakorsaaneqarfiup aamma paasissutissiissutigaa.

AAMMA ATUARUK Qasigiannguup napparsimmavia pinartuunngitsunut matugallartoq

Peqqinnissaqarfiit Qasigiannguani peqqissaavimmut saaffiginninnerit pinasuartuunngitsut unitsinniarlugit aalajangersimagaat KNR-imit ullumi allaaseraarput.

Tamatuma saniatigut napparsimasoq ataaseq ulluni arlalinni Dronning Ingridiup Napparsimmavissuani uninngareerluni aamma angerlartinneqarpoq.

Napparsimasorli alla covid-19-imik tunillatsissimasoq ataasinngormat aamma unitsinneqarpoq, taannalu suli napparsimmavimmiilluni.

Nakorsaaneqarfiup Qasigiannguani PCR-imik tassa toqqusaamit misissugassat misissorniarlugit ippassaq paasissutissiissutigaa. Taakkuli suli akissutersineqanngillat.

Tunillatissimasutut nalunaarsorsimasut kommunikkaarlugit imaapput:

    Avannaata Kommunia: Tunillatsissimasut 37-t

    Kommune Qeqertalik: Tunillatsissimasut 56-it

    Qeqqata Kommunia: Tunillatsissimasoqanngilaq

    Kommuneqarfik Sermersooq: Tunillatsissimasut 119-it

    Kommune Kujalleq: Tunillatsissimasoqanngilaq

Nunatsinni coronavirusi pillugu
killiffik

Tunillatseqqasut ...  
Ullumi tunillatsittut 85  
Siullermik kapitissimasut 73%  
Aappassaa kapitissimasut 68%  
Tunillanneqarsimasut 9.485  
Uninngasut 15  
Anersaartuuteqartitaasut 0  
Toqusut 4  
corona.nun.gl-imi kisitsit takukkit  
   Nutarterneqarpoq: 
Januaarip 22-at 15:00
 

Coronavirusimik tunillatsinissaq pinaveersaaruk