Corona pillugu ullumikkut kisitsisit: Tunillatsissimasut nutaat 16-it

Nuummi Sisimiunilu suli tuniluuttoqarpoq. Nunatta avannaanilu tunillatsissimasoqaqqilerluni.

Nakorsaaneqarfiup oqarnera naapertorlugu tunillatsissimasut nutaat 16-iupput.

Nuummi qulit, Sisimiuni sisamat Ilulissanilu marluk.

Nuummi tunillatsissimasunik nutaanik tunillatsissimasunut ilisimaneqareertunut atassuteqanngitsunik suli paasisaqartoqartarmat sumiiffinni tamani tunillatsinnissamik aarlerinartoqarpoq, nakorsaaneqarfik allappoq.

Ilulissanilu tunillatsissimasut nutaat marluk nunanit allanit tunillatsissimasinnaapput.

Tunillatsissimasut amerlassusaat kommunikkaarlugit agguataarnerat:

• Avannaata Kommunia: Marluk
• Kommune Qeqertalik: Tunillatsissimasoqanngilaq
• Qeqqata Kommunia: 30-t
• Kommuneqarfik Sermersooq: 43-t
• Kommune Kujalleq: Tunillatsissimasoqanngilaq