Corona pillugu ullumikkut kisitsisit: Tunillatsissimasut nutaat 13-it
Upernavimmili misissorneqarsimasut inerneri arlalippassuit suli utaqqineqarput.
Taama Nunatta Nakorsaaneqarfia nalunaaruteqarpoq.
Tunillatsissimasunik nutaanik Sisimiuni Ilulissanilu aamma siumuisoqarpoq. Illoqarfinni pineqartuni tamani ataatsimik. Ilulissaniittorli Upernavimmit Ilulissiartuusimavoq.
Nunatta Nakorsaaneqarfianit nalunaarutigineqartut naapertorlugit tunillatsisimasut pingasut Upernavimmi peqqissaavimmi suli uninngapput.
- Tunillatsissimasoq ataaseq Nuummi Dronning Ingrip Napparsimavissuani uninngasoq maanna ajorunnaarpoq, taamaalilluni marluinnarnik maanna uninngasoqarluni, Nunatta Nakorsaaneqarfianit taama nalunaaruteqarput.
Tunillatsissimasut amerlassusaat kommunikkaarlugit ima amerlatigipput:
Avannaata Kommunia: Tunillatsissimasut sisamat
Kommune Qeqertalik: Tunillatsissimasoq ataaseq
Qeqqata Kommunia: Tunillatsissimasut arfineq-marluk
Kommuneqarfik Sermersooq: Tunillatsissimasut 155-it
Kommune Kujalleq: Tunillatsissimasoqanngilaq
Sisamanngornermi kisisitsit saqqummiunneqartut naapertorlugit nuna tamakkerlugu tunillatsissimasut 200-pput, ullumikkut tallimanngornermi kisitsisit nutaat takutippaat tunillatsissimasut nuna tamakkerlugu 167-jusut.
