Assi: KNR

Corona pillugu ullumikkut kisitsisit: Tunillatsissimasut nutaat 12-it

Tunillatsissimasut nutaat 12-it Nuummeersuupput. Nunatsinni tunillatsissimasut katillugit maanna 155-pput.

Tunillatsissimasut ukioqqortusiartorput.

Tunillatsissimasut akornanni marluk 14-inik ukioqarput, marluk 18-it aamma 29-it akornanni ukioqartut, arfineq-marlullu 30-it aamma 49-t akornanni ukioqartut aamma ataaseq 50-it sinnerlugit ukioqartoq.

Nakorsaaneqarfik taama paasissutissiivoq.

Tunillatsittut nutaat Nuummi missorneqartut 600-ngajaat akornanni nassaarineqarput.

Taakkulu inuiaqatigiit 2.0 procentiisa covid-19-imik tunillatsissimanerata assigaa.

- Taamaalilluni pingasunngornermit misissorneqartunit ikinnerupput, tunillatsissimasulli amerlanerullutik, Nunatta Nakorsaaneqarfianit taama nalunaarput.

Nunatsinni tunillatsissimasut maanna katillugit 155-lerput.

AAMMA ATUARUK Inatsisartuni 16-iinnaat isersimasinnaassapput

Sapaatip akunnerata aallartinneranitut tunillatsissimasut paasineqartut amerlanerpaartaat tunillatsissimasutut ilisimaneqareersumut qanillisimasuupput.

- Tunillatsissimasunilli sumi tunillatsissimasinnaanerminnik ilisimanninngitsunik suli ilaqartarput, Nunatta Nakorsaaneqarfia allappoq.

Marlunngormat timmisartortunut kajumissaarut

Danskit napparsimasut isumannaatsuunissaat pillugu aqutsioqarfiata tunillatsissimasumik Nuummiit Kangerlussuarmut ilaasimasumik paasisaqartoqartoq nalunaarutigaa.

Paasineqartup timmisartoq GL558 Nuummiit septembarip 21-ani nalunaaqutaq 14.15 aallartoq ilaaffigisimavaa.

Taamaattumik Nunatta Nakorsaaneqarfianit timmisartumut tassunga ilaasut allat - sulilu nunatsinniittut - misissortikkiartornissaannut kaammattorneqarput.

Maanna napparsimavimmi aamma uninngasoqarunnaarpoq.

Tunillatsissimasut ullumikkut amerlassusaat kommunikkaarlugit: 

  • Avannaata Kommunia: 0
  • Kommune Qeqertalik: 0
  • Qeqqata Kommunia: Arfineq-pingasut
  • Kommuneqarfik Sermersooq: 147-t
  • Kommune Kujalleq: 0

Nunatsinni coronavirusi pillugu
killiffik

Tunillatseqqasut 36  
Ullumi tunillatsittut 9  
Siullermik kapitissimasut 71%  
Aappassaa kapitissimasut 65%  
Tunillanneqarsimasut 654  
Uninngasut 0  
Anersaartuuteqartitaasut 0  
Toqquteqartut 0  
corona.nun.gl-imi kisitsit takukkit  
   Nutarterneqarpoq: 
Oktobarip 15-iat 11:30
 

Coronavirusimik tunillatsinissaq pinaveersaaruk