Tunillatsissimasut 53-it Qasigiannguani najugaqarput.Assi: Brandt Elias

Corona pillugu ullumikkut kisitsisit: Ataasinngornermiit tunillatsissimasut nutaat 87-it paasineqartut

Tunillatsissimasunit 53-it Qasigiannguani najugaqartut, Nakorsaaneqarfik nalunaaruteqarpoq.

Nakorsaaneqarfiup ataasinngornermit maannamut corona pillugu kisitsisit nutaat saqqummiuppai.

Tunillatsissimasut nutaat 87-it paasineqarput, taakkulu kommuninit sisamaneerput.

Qasigiannguani tunillatsissimasut 53-it paasineqarput, Ilulissani pingasut Upernavimmi ataaseq, Nuummi 29-t Maniitsumilu ataaseq.

Tamatuma saniatigut COVID-19-imik tunillatsissimasoq Nuummi Dronning Ingridiup Napparsimmavissuai peruluttut uninngavianni innangasoq, Nakorsaaneqarfik paasissutissiivoq.

Qasigiannguani tunillatsissimasoqartoq sapaatip akunnerata siuliani paasineqarpoq, taakkulu Upernavimmi tuniluunnermut atassuteqartinneqarlutik.

Tunillatsissimasut taakku tuniluunnerup siaruangaatsiarneranut aallarniutaasimarpasittut, Nakorsaaneqarfik nittartakkami allappoq.

AAMMA ATUARUK Skoleleder i Qasigiannguit: Vi har aldrig stået i sådan en situation før

Qasigiannguani tunillatsissimasorpassuit paasineqartut Juunarsip Atuarfianni tuniluuttoqarsimaneratigut malugineqarsinnaavoq, atuartorpassuimmi coronamik tunillatsissimapput.

Corona pillugu ullumikkut kisitsisit ilanngullugit nunatsinni tunillatsissimasut maanna 309-ulerput.

Tunillatsissimasut nunatsinni kommuninut agguataarnerat ima isikkkoqarpoq:

Avannaata Kommunia: 155-it
Kommune Qeqertalik: 57-it
Qeqqata Kommunia: Pingasut
Kommuneqarfik Sermersooq: 94-it 
Kommune Kujalleq: Tunillatsissimasoqanngilaq

Nunatsinni coronavirusi pillugu
killiffik

Tunillatseqqasut ...  
Ullumi tunillatsittut 85  
Siullermik kapitissimasut 73%  
Aappassaa kapitissimasut 68%  
Tunillanneqarsimasut 9.485  
Uninngasut 15  
Anersaartuuteqartitaasut 0  
Toqusut 4  
corona.nun.gl-imi kisitsit takukkit  
   Nutarterneqarpoq: 
Januaarip 22-at 15:00
 

Coronavirusimik tunillatsinissaq pinaveersaaruk