Corona pillugu ullumikkut kisitsisit: Aatsaat taama amerlatigisut tunillanneqarsimasut

Nunatsinni tunillatsittut 504-t ullup unnuallu kingulliup ingerlanerani paasineqarput. Inuit arfineq-pingasut taassuma saniatigut napparsimmavimmut aamma unitsinneqarsimapput.
Allattoq Nutaarsiassaqartitsivik / Nyhedsredaktionen
januaarip 08-at 2022 16:15

Coronavirusip tuniluunneranili aatsaat taama amerlatigisunik tunillatsittoqarpoq. Inuimmi 504-t ullup unnuallu kingulliup ingerlanerani tunillanneqarsimasutut paasineqarput, ullup unnuallu ingerlanerani aatsaat taama amerlatigalutik.

- Inuiaqatigiinni suli tuniluuttoqangaatsiarpoq, pingaartumik illoqarfinni annerni, illoqarfinnilu nunaqarfinnilu assigiinngitsuni tunillatsittut ataatsimut isigalugu aamma amerliartorlutik, Nunatta Nakorsaaneqarfia taama allappoq.

Inuit katillugit 1745-t nuna tamakkerlugu maanna tunillatseqqapput, aatsaallu taama amerlatigalutik.

Sumiiffinni ukunani tunillatsissimasut nutaat paasineqarput:

 

  • Ilulissani 107-t
  • Qeqertarsuarmi ataaseq
  • Aasiaanni marluk
  • Sisimiuni ataaseq
  • Kangerlussuarmi aqqanillit
  • Maniitsumi 44-t
  • Nuummi 307-t
  • Ittoqqortoormiini 14-it
  • Tasiilami ataaseq
  • Narsami aqqaneq-marluk
  • Qaqortumi sisamat

Inuit nuna tamakkerlugu arfineq-pingasut napparsimmavinni unitsinneqarsimasut Nunatta Nakorsaaneqarfiata aamma ilisimatitsissutigaa. Upernavimmi ataaseq, Ilulissani ataaseq Nuummilu arfiinillit, taakkunannga ataaseq peruluttut inaanniilluni.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk