Coronavirusip allanngortup ernumanassutigaa, proteini virusimi nassaassaasoq E484K-mik taaguutilik. Immikkut ilisimasallit taama oqarput.Assi: Kena Betancur/AFP/Ritzau Scanpix

Corona allanngortoq nutaaq New Yorkimi tuniluutileruttortoq

Coronavirusi allanngortoq nutaaq New Yorkimi tuniluutileruttortoq tunillaassuutianerullunilu akiuussutissat ilaannut akiuussinnaanerusoq, misissuinerit takutippaat.

Coronavirusi allanngortoq nutaaq, Sydafrikameersumut assingusoq, New Yorkimi tuniluutileruttorpoq.

Immikkut ilisimasallit Columbia Universitymeersut taama oqaluttuarput.

Virusi allanngortoq B.1.526-mik taaguuteqarpoq, New Yorkimilu siullermik siorna novembarimi siumorneqarluni. New Yorkimi tunillanneqarsimasut 12 procentiisa missaat virusimik taassuminnga februaarip qiteqqunnerani tunillanneqarsimasuupput.

Coronavirusi allanngortoq New Yorkimeersoq, virusit allanngortut allat assigalugit tunillaassuutianerusoq, virusilu taanna akiuussutissanut maanna atorneqartunut akiuussinnaanerusoq, misissuinerit assigiinngitsut takutippaat.

AAMMA ATUARUK Nakorsaanerup Facebookikkut apeqqutit akissuteqarfigai: Akiuussutissaq annikitsumik napparsimatitsisarpoq

Coronavirusip allanngortup ernumanassutigaa, proteini virusimi nassaassaasoq E484K-mik taaguutilik. Immikkut ilisimasallit taama oqarput.

Virusi pineqartoq pingasunik allannguuteqarpoq, proteinilu pineqartoq allannguutini tamani nassaassaalluni. Proteini E484K timip virusinut akiuussinnaassusianut innarliisinnaasoq, siusinnerusukkut misissuinerit takutippaat.

Timip virusinut akiuussinnaasusia innarlerneqaraangat, nakorsaatit akiuussutissat assigiinngitsut atorsinnaassusiat killeqarsinnaasarpoq, inuillu assersuutigalugu coronavirusimik tunillanneqqissinnaallutik.

Akiuussutissalli ineriartortinneqartut nutaat virusimut allanngortumut nutaamut B.1.526-mut sunniuteqarsinnaagunarput, tunillanneqarnermilu perulussinnaanermut pinaveersaartitsisinnaagunarlutik.

Nakorsaasiorfiit arlallit coronavirusimut akiuussutissaliornerminni virusinut allanngortunut immkkut akiuussutissanik ineriartortitsileruttorput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat