Coronavirusip nunatsinni tuniluutilinnginnissaa anguniarlugu App-i iluaqutaasinnaavoq. Nunatta nakorsaanera Henrik L. Hansen taama oqarpoq. Asseq toqqorsivimmit.Assi: KNR

Corona akiorniarlugu App-ip pissarsiarineqarnissaa nakorsaanerup inassutigigaa

Coronavirusimik tunillanneqarsimasut App-i atorlugu sumiissusersineqarsinnaasut, Nunatta Nakorsaanerata oqaatigaa. Sermitsiaq.AG taama allaaserisaqarpoq.

Piffissami qaninnermi Danmarkiliarnissat eqqarsaatersuutigigukku taava aana nutaarsiassatsialak.

Angalassaguimmi App-ip "Smittestop"-ip oqarasuaatinnut angallattakkannut ilanngunnissaa oqartussat kaammatttuutigaat.

App-ip "Smittestop"-ip mobilimut ikkunneqarnissaa, Kalaallit Nunaanni Politiit, Nunatta Nakorsaaneqarfiata Issittumilu Sakkutooqarfiup ataatsimoorullugu kaammattuutigaat. Sermitsiaq.AG-p nittartagaani tamanna allaaserineqarpoq.

Inuk coronavirusimik tunillanneqarsimasoq eqqaaniissimagaanni App-i "Smitttestop" atorlugu ilisimatitsissutigineqartarpoq.

AAMMA ATUARUK Tamaat isigalugu: Coronavirus pillugu killiffik

Misissortittariaqassanerluni misissortittariaqassannginnerluniluunniit paasiniaraanni taava peqqinnissaqarfimmut saaffiginnittoqassaaq.

- Assersuutigalugu innuttaasoq pissutsit apeqqutaatillugit misissugassamik tigusiffigineqaqqissinnaavoq. Aaqqiissutissaararpassuit ilaat tamanna aqqutigalugu, Kalaallit Nunaanni tuniluuttoqalinnginnissaa anguneqarsinnaavoq, Henrik L. Hansen Sermitsiaq.AG-mut oqarpoq.

App-i "Smittestop" nunatsinni suli atorneqarsinnaanngilaq, Sermitsiaq.AG-lli allaaserisaa naapertorlugu nunatsinni oqartussat Danmarkimi oqartussanik oqaloqateqaleruttorput, App-ip nunatsinni atorneqarsinnaalernissaa siunertaalluni.

Nunatsinni coronavirusimik tunillatsittoqarsimassappat tamanna pisariaqassappat piaartumik paasineqarsinnaanngussaaq.

Nunatsinni coronavirusimik tunillatsissimasumik kingullermik qaammatip pingajuata qeqqata massuma siornatigut siumuisoqarpoq.

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

  Misissorneqareersimasut 10937
  Tunillanneqarsimasut
17
  Peqqisseqqittutut nalunaarutigineqartut 16
  Napparsimavimmi uninngasut 0
  Anersaartuuteqartitaasut 0
  Toqquteqartut 0
Takuuk: nun.gl Nunatsinni Nakorsaaneqarfik
  Nutarterneqarpoq
  oktobarip 29-at 2020 nal. 11:15