Politikerit ilisimatusarnermut innuttaasuniillu kissaatigineqartunut taama malinninngitsigisinnaanerat paasiuminaappoq, Birgitte Qvist-Sørensen oqarpoq. Taassuma COP25-mi angusat pakatsissutigai.Assi: FLICKR.com / Jörg Farys / BUND

COP25-mi angusat pakatsinartut

Madridimi COP25-imi silap pissusaa pillugu isumaqatigiinniarnerit, Naalagaaffiit Peqatigiinni sivisunersaat ilaanniittut, naapeqatigiilluni isumaqatigiissuteqarnermik ippassaq naammassivoq.

Naalagaaffiit Peqatigiit silap pissusaa pillugu ataatsimeersuarnerannut aallartitat silap pissusaanut akornutaasut qanoq ikilisissinnaanerinut aalajangernissaminnik kinguartitsinissaat ilaatigut isumaqatigiissutigineqarpoq.

Tassani ingammik CO2 metanilu pineqarput. Gassit taakku gassini silaannarmik kissatsikkiartortitsisuni aniatinneqarnerit ilaanniipput.

Kisianni ikiuiniaqatigiiffik Folkekirkens Nødhjælp naapertorlugu, silaannaap 1,5 gradit angullugit kiatsinnginnissaanut anguniakkap silap pissusaa pillugu Parisimi 2015-imi isumaqatigiissummi ilaasup nunarsuarmi nunanit eqquutsinneqarnissaa maanna piviusorsiunngilluinnalerpoq.

Folkekirkens Nødhjælpip qullersaa, Birgitte Qvist-Sørensen Ritzauimut taama oqarpoq.

- Silarsuarmi nunat siulersortaasinnaanermik takutitsisinnaasimanngillat, tamannalu pakatsinartupilussuuvoq, politikerillu ilisimatusarnermut innuttaasuniillu kissaatigineqartunut taama malinninngitsigisinnaanerat paasiuminaappoq, Birgitte Qvist-Sørensen oqarpoq.

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat