Italiami naalakkersuisuni aaqqiagiinngissutit qaangerlugit partiit marluk naalakkersuisunik pilersitsinissamut isumaqatigiipput.Assi: Scanpix

Conte Italiami naalakkersuisunik pilersitsinissamut piginnaatitsissummik tunineqartoq

Italiami partiit socialdemokratillu PD-meersut, ukiuni kingullerni aaqqiagiinngissutitik qaangerlugit naalakkersuisooqatigiinnik nutaanik pilersitsipput.

Italiap præsidentiata Sergio Mattarellap, Italiap maannamut ministerinerugallagaa Giuseppe Conte, naalakkersuisoqatigiiliornissamut piginnaatitsissummik tunivaa.

Præsidentip oqaaseqartitaa ataatsimeereernerup kingorna taama ilisimatitsivoq.

Partiit Femstjernebevægelsen, socialdemokratillu PD-meersut, ukiuni kingullerni aaqqiagiinngissutitik qaangerniarlugit, akerlianillu naalakkersuisoqatigiiliornissartik, ippassaq pingasunngornermi isumaqatigiissutigaat.

Contep ministeriunertut ingerlaqqinnissaa tapersersoritsik, PD-p ilanngullugu nalunaarutigaa.

AAMMA ATUARUK Meeqqat qimaasut Italiami niunissaat akuerineqartoq

Italiami maannamut naalakkersuisoqatigiit tassaapput Femstjernebevægelsen partiilu nunanit allanit nunassiniartunik isorinnittoq Lega, Matteo Salvinimik siuttuuffigineqartoq.

Naalakkersuisoqatigiilli taakku ajalusoorput, Salvinillu nutaamik qinersisoqarnissaa piumasaraa. Partiiami Legap qinersisoqartuuppat siuariarnissaa ilimanaateqarmat, taamalu Salvinip politikkikkut inissisimanera nukittunerulissagunaraluarluni.

Salvinilli pilersaarutai qatangiinnartinneqarput. Socialdemokratimmi PD-meersut naalakkersuisoqatigiilernissaat, Contep, ilaatigut uissuummissutigineqartumik, toqqarpaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat