Coronavirusip siuaruaannera killilersimaarusullugu Kinami illoqarfinni angallannerit unitsinneqarput. Kinami nutaarsiassaqartitsiviit taama allaaserisaqarsimasut, Reutersip allaaseraa.Assi: Noel Celis/AFP/Ritzau Scanpix

Conovirusimik toqquteqartut amerliartortuarsinnartut

Kinami coronavirusimik tunillanneqarsimasut 830-nngorput tunillatsissimasinnaasullu allat 1000-nit amerlanerusut misissorneqarlutik.

Napparsimanermik, coronavirusimik toqquteqartut katillugit maanna 25-viusut, virusimillu tunillanneqarsimasut 830-nngorput.

Kinami peqqinnissamut pisortaqarfik tallimanngornermi taama nalunaaruteqartoq, Reuters allaaserisaqarpoq.

Tunillatsissimasinnaasut allat 1072-it aamma misissorneqartut, AFP aamma allaaserisaqarpoq.

Nappaammik tunillanneqarsimasut amerlasuut Kinap qiterpiaani illoqarfissuarmi Wuhanimeersuupput.

Coronavirusi pillugu naatsumik

 

  • Coronavirusimik vitusimillu nutaamik napparsimasut siulliit kinamiut illoqarfissuanni, Wuhanimi decembarip qaammataani paasineqarput.
  • Nappaatip tuniluunnerata aallartinnera uumasunik nujuartanik nioqquteqartarfissuarmut atassuserneqarpoq.
  • Nappaatip sumit tuniluutilernera suli ilisimaneqanngilaq. Misissuinernili aallartinneqartuni nappaat imangertanit pulateriaarsunnit nerineqarsimasunit kingornalu nerisassanik nioqquteqartarfissuarmi tunineqartunit aallaaveqarsimassangatinneqarpoq.
  • Kinamiut oqartussaasuisa oqarnerat naapertorlugu virusip inummiit inummut tuniluutilerneranut takussutissaqarpoq.
  • Virusi pineqartoq coronavirusiuvoq, taassumalu sananeqaataata ilisisarnaatai anersaartuutitigut nappaatip Sarsip sananeqataata ilisarnaataanut 79 procentimik assingupput.
  • Virusi nutaaq Kinamit aamma aallaaveqartumut nunarsuarmullu tamanut siaruaattumut, Sarsimut 2002-mi 2003-ilu inuit 800-it missaanniittut toqunerannik kinguneqartumut assersuutigineqarpoq.

Tusarfik: Ritzau

AAMMA ATUARUK  Coronavirusimut akiuussusiorneq ukiumik ataatsimik sivisussuseqarsinnaasoq

Virusip Wuhanimi aalisagaarniarfiit ilaannit siaruaassimanissaa ilimagineqarpoq, aalisakkammi saniatigut uumasunik anngiortumik nioqquteqartoqartartoq, Kinami oqartussanit siusinnerusukkut eqqoriarneqarpoq.

Wuhanimi innuttaasut illoqarfimminniit qimaguteqqusaanngitsut, Wuhanimi oqartussat pingasunngornermi unnukkut peqqussutigaat. Wuhanili pissutsit immikkut illuinnartut aatsaat aqqutigalugit qimanneqarsinnaavoq.

Illoqarfissuarmilu tassani bussinik qimuttuitsunillu angallannerit aamma unitsinneqarput, soorlu aamma qimuttuitsut illoqarfinnut allanukartut, avammullu timmisartuussinerit unitsinneqartut.

Kinami illoqarfiit qulit matoqqatitsisut, Reuters allaaserisaqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat