Connie Hedegaard USA-mut paasisitsiniaaniarpoq
Silaannaap kissatsikkiartornerata kingunerisaanik ajornartorsiutit aaqqiivigineqassappata USA avaqqunneqarsinnaanngilaq.
Tamanna pissutigalugu Danmarkip avatangiisinut ministeria Connie Hedegaard USA-mi senatorinut paasisitsiniaanialerpoq.
Inuiaqatigiinni ineriartornermik allanngortitsinngikklauarluni silaannaap allanngoriartornera akiorniarneqarsinnaasoq Connie Hedegaard isumaqarpoq.
Tyskland aappaagu upernaap ingerlanerani EU-mi siulittaasunngussaaq, Connie Hedegaardillu neriuutigaa Washingtonimi 2007-imi upernaakkut paasiniaaqatigiittoqarsinnaassasoq.
USA-mi vicepræsidentiusimasup Al Gore-p silaannaap allanngoriartornerata malitsigisaanik ajornartorsiutaalersussat pillugit filmiliaata takutissorneqaleruttorfiata nalaani Connie Hedegaard taama pilersaarusiorpoq.
- Ajornartorsiutip annertussusaa USA-mi innuttaasunit paasiartuaarneqalerpoq, nassuerutigineqalersorluunniit aamma oqaatigisinnaavarput, Connie Hedegaard oqarpoq.
