Connie Hedegaard: Aningaasaqarnerliorneq utoqqatsissutaanngilaq

Tassami silap pissusaata allanngoriartorneranut iliuusissat aamma tassaasinnaammata aningaasarsiornikkut ajornartorsiornermut ikiorsiissutaasinnaasut. Taama oqarpoq silap pissusaanut nukissiuuteqarnermullu ministeri Connie Hedegaard UNRIC Magazine-mit apersorneqartilluni.

- Naalakkersuinikkut anguniakkat silap pissusaata allanngoriartorneranut iluaqusiisussat, sullivinnik pilersitsinissanut aningaasarsiornikkullu iluaqutaasussanut tunngassutilerujussuupput. Silap pissusaanut ministeri nassuiaavioq nangillunilu:

- Silap pissusaata allanngoriartorneranut iliuuseqannginnermut aningaasarsiornikkut ajornartorsiorneq patsisiginiarsarissanngilarput. Tamatumunnga taarsiullugu aningaasarsiornikkut ajornartorsiorneq atorluarlugu avatangiisinut iluaqutaanerusumik ineriartortitsissaagut teknikkikkullu ingerlatsineq iluaquserlugu.

Connie Hedegaardip UNRIC Magazinemut erseqqissarpaa, inuit ataasiakkaat silap pissusaanut aamma iliuuseqarsinnaasut.

- Silap pissusaata allanngoriartornera nunarsuarmut tamarmut tunngassuteqarpoq, nunarsuarminillu tamanit iliuuseqarfigineqartariaqarluni. Oqariartuutaa ersareqaaq: siullermik maanna iliuuseqartoqartariaqarpoq. Aappassaanik kikkut tamarmik iliuuseqarsinnaapput, Silap pissusaanut nukissiuuteqarnermullu ministeri Connie Hedegaard taama naggasiivoq.