Conni Hedegaard pakatseqqavoq
Silap pissusaata allanngoriartornerata pakkersimaarneqarnissaa pillugu Københavnimi ataatsimeersuarnerup inernera sila pillugu Danmarkimi ministeriusimasup, Conni Hedegaardip, pakatsissutigaa. Pituttuisumik angusaqarfiunngimmat pakatsinarnerpaavoq, taamaammat nunarsuarmioqatigiit pakkersimaarinninniarnermut iliuuseqarnissaat sivisussaqaaq, Conni Hedegaard oqarpoq.
decembarip 20-at 2009 13:15
Isumaqatigiinniaqatigiit naapiffeqarnissaat Danmarkimit ilungersuutigisimagaluaritsik Conni Hedegaard isumaqarpoq.- Kikkut tamarmik isumaqatigiinnissaat kattunnissaallu anguniarsarigaluarparput. Paasinarsivorli tamanna soqutigineqanngitsoq, Connie Hedegaard oqarpoq.
Conni Hedegaard Dronning Magrethe-lu naggammik ullumi oqaloqatiginnippoq, tassami Bruxellesimukarluni aqagu aallartussaavoq, sila pillugu kommissæritut suliartussalluni.
