Congomi qimaasorpassuit ikiorniarneqarput

Congomi qimaasorpassuit ikiorniarlugit Naalagaaffiit Peqatigiit nakorsaatinik imermullu sukuluiaatissanik biilinik assartuilerput.
novembarip 03-at 2008 10:05

Biilit assartuutit aqqaneq marluk illoqarfiup Gomap avataani pikitsitsisunit akuerineqarlutik illoqarfimmut isaalerput. Mannali tikillugu biilit aqqaneq-marluinnaat assartuitinneqartut nerisassanik useqanngillat. Tusagassiortoq Jesper Strudsholm, Tutsit Congollu sakkutuuisa akersuuffianniit nalunaarpoq angerlarsimaffimminniit qimaasut pigisatik tamaasa annaasimagaat. Gomap avataani qimaasut katersuussimaffianni kaattorpassuupput, meerartaasalu ilaat kissinik peqqinnartunik akuukkanik tuniorarneqarput. Rwandap Congollu naalakkersuisui pikitsitsisunik isumaqatigiinninniarsarigaluarput, taakkuali Congop sakkutuuinik tatiginnissinnaanngimmata tamanna ajornakusoorpoq. Eqqissineqaraluarpallumi Congomi pissutsit toqqissisimananngilluinnarput, atorfillit iluanaarniarlutik inatsisaatsuliornerat naliginnaaqimmat, nunallu pisuussuterpassuisa anngiortumik niuerutigineqarnerat peqqarniisaarnernik kinguneqartarmat pissutsit najummassimanarnerannik sakkortusaaginnarput. Tassa eqqissisoqaraluarpat inuiaqatigiit ingerlanerat assigiinngitsutigut iluarsartuunneqanngippat pissutsit toqqissisimanarnerulernavianngillat.