Congomi inuit tuusintilikkaat qimarngusut aarleripput
Gomami ippassaq sakkuaappaluk kisimi tusarsaariarluni ullumi timmissat qarlorpaluttut tusaaneqarsinnaalerput. Illoqarfik Goma, Rwandamut killeqarfiup eqqaaniippoq, Congop kangisinnerusortaani. Illoqarfiup avatinnguani pikitsitsisut uninngapput naalagaaffiullu sakkutuui tunuarallarput. Eqqissineqarsorinarsinnaagaluartoq illoqarfimmiorpassuit qimaareersimapput. Silami inunnik takussaasoqanngilaq pisiniarfiillu matoqqallutik, pissutsillu suli najummassimanarnerat malunarpoq. Danskit ikiuiniartut suli illoqarfimmiikkallarput sakkuaannerit unitsillugit isumaqatigiinnialernissaq neriuutigalugu. Pissutsilli qanoq ilinissaat nalunaqaaq, imaassinnaavormi pikitsitsineq nunap sinneranut siaruaattoq.