Condoleezza Rice: naalakkersuisut ataannarnavianngillat

januaarip 18-at 2007 10:59

- Saddam Husseinip toqutaanera akiniaanerup pianik toqutsinermut assersuunneqarsinnaavoq, USA-p præsidentia Bush taama oqarpoq. Amerikami nunanut allanut ministeri, Condoleezza Rice, ilutigalugu oqarpoq, Irakimi naalakkersuisut ataannarnavianngitsut.

Taakkulu taama oqaaseqarnerat USA-p Irak-illu akornganni nillertumik akeqqersimaarnermik pilersitsisoq, Danmarks Radiop tusarliuppaa.

Taamatuttaaq Irakimi naalakkersuisut siuttuat, Maliki, oqarpoq, Irakimi sakkut atortullu amigarnerat pissutaalluni ,pikitsitsinerit sivisunerujumaarlutillu aattaqartitsinerujumaartut.

Maliki aamma oqarpoq, amerikamiut sakkutuuisa Irak-imiittut sakkutik atortutillu tunniuttuuppatigik qaammatit pingasut arfinillillu ingerlaneranni amerikamiut sakkutuui ikilisinneqarsinnaagaluartut.

Maliki decembarimi aviisit ilaanni apersorneqarnermini aamma oqarpoq, Irakimi naalakkersuisut siuttuatut inissisimanini namminerpiaq pilerigisarinngikkini, ajornanngippallu qinigaasimanini tamanna ukiut sisamat qaangiutsinnagit unitsikkusussinnaagini.