Condoleezza Rice Indiamut tikeraarpoq

Mumbaimi sapaatip-akunnerup siuliani peqqarniisaarniartoqareersorlu Indiap Pakistanillu akornanni najummassimanartorsiortoqarpoq USA-miillu aaqqiiviginiarneqarluni. USA-p nunanut allanut ministeria Condoleezza Rice tamanna pillugu Indiamut tikeraarpoq.
Allattoq Louise M. Kleemann
decembarip 03-at 2008 13:11

- Suleqatigiinnerulernissaq ammanerulernissarlu piffissanngorpoq, pingaartumik Pakistani eqqarsaatigalugu, Condoleezza Rice oqarpoq, peqqarniisaarniallu Pakistanimiunit sukkanerpaamik tigusarineqarnissaat kajumissaarutigalugu. Ritzauip nutaarsiassaqartitsiviani taama allaaserinnittoqarpoq.

Peqqarniisaarniat qulit Mumbaimi saassussipput, amerlanerillu Pakistaniminngaanneersuunerarneqarlutik.

Nunat taakku akornanni eqqisseqatigiinnissap pillugu isumaqatigiissutip atorunnaarsinneqarnissaa Indiap sioorasaarutigereerpaa, saassussisut piaarnerpaamik tigusarineqanngippata iliuuseqarnialersaarlutik.

Mumbai-imi saassussisoqarmat inuit katillugit 183-it toqutaapput, taakkunannga amerikamiut arfinillit toqutaallutik.

Condoleezza Ricep taamaammat piumasaraa Pakistan piaartumik iliuuseqartariaqartoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq