Concordemik piginnittoq mekanikerilu pineqaatissinneqarput
Timmisartorsuaq nakkarmat ilaasut 113-it ajunaarput.
Timmisartorsuaq nipimit sukkanerusumik ingerlasinnaasoq Concorde, ukiut qulit matuma siornatigut Charles de Gaulle-p mittarfianit qangattaqqammerluni ikuallalerpoq nakkarlunilu.
Savimineq timmisartortitseqatigiiffiup Continentalip timmisartuutaasa ilaannit pisoq mittarfimmut katanneqarsimavoq, taannalu pissutigalugu timmisartorsuaq ikuallalersimasoq, eqqartuussisut nassuiaaneranni erserpoq. Savimineq taanna pissutaalluni timmisartorsuup Concordep assakaasua qaarpoq, savimernngullu asseqqui motorianut pinerisa kingorna timmmisartorsuaq Concorde nakkarpoq.
Timmisartortitseqatigiiffik 1,5 millioni koruuninik akiliisussanngorlugu eqqartuunneqarpoq.
Savimineq timmisartup atortua iluamik qajannaarneqarsimannginera pissutigalugu mekanikeri timmisartorsuarmik suliarinnittoq, qaammatini 15-ini parnaarussassanngorlugu aamma pineqaatissinneqarpoq.
Timmisartorsuaq Concorde immikkut ittumik iluseqartoq, arlaleriarluni Kangerlussuarmut minnikuuvoq. Timmisartorsuaq Concorde Paris-imi 2000-imi ajunaarnerata kingorna timmisartut taakkua atorunnaarput.
