Colombomi qaartartumeeripput

Qaartartoq Sri Lankap illoqarfiisa pingaanersaanit, Colombomit, kilometerinik 20-nik ungasitsigisumi, ullaaq qaartinneqarpoq. Qaartartumeerineq sakkutooqarfiup qanittuani pivoq.

Naalakkersuisut sakkutuuisa naalagarsuisa ilaat, Parami Kulatunga, toqutaasimasoq nalunaarutigineqarpoq. Sri Lankap sakkutuuini qullersaagallartutut inissimalluni Kulatunga toqutaavoq.

Sakkutuut marluk inuinnarlu qaartartumeerinermi aamma toqutaapput, allat qulingiluat ikiligaallutik.

Sakkutuunit tusarfiit naapertorlugit, pikitsitsisut De Tamilske Tigre qaartartumeerisuupput. Tuluit radioqarfiata, BBC-p, ullaaq tusarliuppaa, qaartartumeerisoq tassaasoq angut motorcykilerluni sakkutuut naalagarsuata biilianut imminuutigaluni aportoq.

Naalakkersuisut sakkutuuinut imminuutigalutik qaartartumeerisalerninarlutik pikitsitsisut sapaatip akunnerani kingullermili sioorasaarutigaat. Illuatungeriit eqqisseqatigiinnissamik isumaqatigiissutaat qajannaqisoq qatangiinnarmat sioorasaarineq taanna aallartippoq.

Sri Lankami sakkortuuliortoqartarnerani inuit 700-nit amerlanerit ukioq-mannaannaq toqutaapput, taakkunannga affaat inuinnaallutik.