Colombia Ecuadorilu akersuuffiulerput
Amerika kujallermi nunat Colombia Ecuadorilu akersuuffiulerput, Colombiameersut Ecuadorimi pikitsitsiniamik toqutsereersullu.
Allattoq Louise M. Kleemann
marsip 04-at 2008 06:34
Ecuador Venezuelalu sakkutuunik Colombia-mut killeqarfimminnut inissiiortorput. Ecuador-i sakkutuunik 3.200-nik killeqarfimmukartitsisoq, sakkutuut qullersaqarfiani Quito-meersoq oqarpoq, taama Reuters allaaserinnippoq. Venezuelamit piumasarineqarpoq Colombiap ambassadøria allallu colombiamiut erngerlutik nunamit anisitaassasut. USA-mi naalakkersuisut nalunaareerput, namminneq Colombia illersorlugu.
