Colin Powell USA-mi ministeriujunnaassappat annilaanganartoqalaalissaaq
Kina USA-mi præsidentinngussanersoq nalunarunnaareeraluartoq, Bush-ip kikkut ministerissatut toqqassanerai suli nalunarallarpoq.
Nunanut allanut ministeri Colin Powel-ip ministeritut ingerlaannarnissani immaqa naatsorsuutigisinnaassanngilaa.
- Colin Powell taarserneqassappat tamanna Kalaallit Nunaannut ajuusarnassaqaaq, nunatsinni ICC-p siulittaasua Arkaluk Lynge oqarpoq.
George W. Bush præsidentitut ingerlaannaraluarpalluunnit qanittumik suleqatigiinneq innarlerneqarnavianngilaq, nunatsinni nunanut allanut ministeri Josef Motzfeldt USA-llu nunanut allanut ministeria aasaq Igalikumi atsioqatigiipput.
Apeqqutaavoq Colin Powel ministeritut ingerlaannassanersoq, taarserneqassappalli annilaangartortaqalaarpoq, tassami nalusatsinni USA nunanut allanut ministereqalissappat, kingunererataannaavaa Thule Pituffimmilu pisut ajornartorsiorfiulerataannaapput, ilaatigut pissutsit sukateriffigineqarnerisigut. Unali aamma pingaaruteqarpoq, tassa FN-mi nunap inoqqaavinut tunngatillug inuit pisinnaatitaaffiinut tunngasut pineqaleraangata USA aporfigisarparput. Taama oqarpoq ICC-p nunatsinni siulittaasua Arkaluk Lynge.
